(Enfrente el Rey Nimrod)
Los desendyentes de Noah (Nuh Peygamber’in soyundan gelenler), a mezura ke se estavan muchiguando, se estavan tambien aleshando del espirito i rekuerdo de D.. Empesaron a adorar el Sol o la Luna i munchas vezes mizmo los hayot. Ma aviya una persona, una sola persona : Avraam ijo de Terah. El sigio el kamino de D. i tuvo grasya en sus “ojos. Avraam dayinda era una kriatura kuando su padre lo aviya eskondido en una kaverna (mağara) para salvarlo de la sanya del Rey Nimrod. Este Rey era un poderozo pagano (putperest). Nimrod toda su vida fue un grande enemigo de Avraam ke no keriya achetar la idolatria (putlara tapma).
Terah, padre de Avraam, fabrikava (imal etmek) idolos de tavla i el propyo era un fervyente (ateşli) adorador de estos objektos. Avraam perkuro muncho a traer su padre al kamino derecho, a azerle entender su error (yanlış, hata). Ma, Terah se ensanyo de los konsejos de su ijo, i un diya sin ezitar lo entrego a las manos de Nimrod. El Rey kijo ovligar Avraam a enkorvarse delantre el Fuego. “Altisimo Rey” disho Avraam, porke el Fuego i no la Agua ke tyene la fuersa de amatar el fuego?” Nimrod le ordeno alora de adorar la Agua.
Avraam kontinuo: “ Me parese ke es mas razonavle (mantıklı) de adorar las nuves ke son yenas de la agua ke mandan a la tyerra... Kon esto, el Rey le disho: “ Si pensas ansi, adora las nuves..” Avraam de muevo protesto: “ No, no ! si es el pueder (iktidar) ke keremos adorar devemos alora adorar el Ayre ke arrondja las nuves kon tanta fuersa!...”
Sovre estas palavras el Rey Nimrod ampeso a inyervarse: “ Kon estas todas avlastinas no vamos arrivar a dingun lugar. Adora dunke el Ayre i te vo pedronar los blasfemos (sövgü, küfür) ke izites a muestras Divinidades (ilahlar, putlar). “ Avraam rogo el Rey de no ensanyarse i le disho ke no pudiya idolatrar (tapmak) ni al Fuego, ni a la Agua, las Nuves o el Ayre ke los paganos konsideravan komo Divinidades i adjusto ke todo el pueder ke tyenen lo ke Nimrod yama Divinidad, lo posedan grasyas al Todo Poderozo, el Kriador del Sielo i la Tyerra. Es solo delantre de EL lo ke yo me puedo enkorvar.
Sovre estos byervos de Avraam, el Rey entro en una birra (öfke) mas fuerte: “Una vez ke estas refuzando de adorar el Fuego, no vas asperar muncho para sentir su fuersa i su pueder!.” Kon estos byervos, ordeno a sus servitores de echar Avraam al fuego ardente (kızgın ateş). Ma, al grande enkanto (şaşkınlık) de todos los ke estavan ayi, Avraam salyo de las flamas sano i rezyo, sin dingun danyo, sin la mas chika kemadura...
“El Todo Poderozo” aviya salvado muestro Padre, el “Padre de los Kreentes” para darle una Misyon grande i gloryoza...
“Contes et Légendes d’Israel”
(Tomado del Midrash)
