Alhad pasado el 20 del mez koryente, el governo de Netanyahu tomo la desizyon de afloshar el embargo impozado a la sivdad de Gaza, konsernando los produktos de utilizasyon unikamente sivil. Por kontra, el embargo sera syempre mentenido sovre los produktos militaryos ansi ke sovre todo modo de materyal ke puedra servir a sus fabrikasyon.
El primer Ministro Israelyano afirmo ke se trata de una buena desizyon porke elimina la propaganda del Hamas i renforsa el derecho de Israel en la administrasyon de su politika de renforsamyento de su seguridad. La komunidad internasyonal saludo la abolisyon del embargo sovre el materyal sivil (vital para la supervivyensa de un puevlo) ke fue dekretada de parte de Israel, ma byen entendido la tensyon persiste ainda.
