Eya era la inspiratrisa de los “poemas de amor” de su marido, muestro tan regretado Salomon Bicirano ke durante largos anyos supo mantener en vida, kaji solo en el lavoro de redaksyon, esta pajina Judeo-Espanyola del ŞALOM.
Muestra profunda simpatia a sus dos ijas i sus inyetos i todas muestras kondolensas a todos sus serkanos.
İn memoryam,vos damos debasho estas linyas un poema de amor ke su marido avia sin dubyo eskrito por eya.
TE DARE MI ALMA
Por una sonrisa de tus labios rojos,
Por un rayo de sol en tus lindos ojos,
Vendo mi korason!
Por la belleza de tus dientes de perla,
Por tu piel suave, i sejas en lunilla,
Vendo mi korason!
Por tus brasos i, tu tus peços, d’albastro,
Por tu puerpo, ovra del Grande Maestro,
Vendo mi korason!
Ma por el miel de tus kayentes palavras
Ke hazen deritir mis penas amargas,
Te dare mi alma!
el 14 Julio del 1998
