Vos transmetemos debasho de estas linyas un mensaje elektroniko ke muestra kolavoradora Güler Olgun resivyo de uno de los lektores del “Amaneser”, mensaje ke por seguro interesara munchos de los ke resiven el Şalom:
“Keridos amigos,
Yo avlo kada djueves a las 4 H 06 pm, ora de Paris, en muestra lingua, kon un teksto eskrito de antes.
Vos dire ke kon la radyo no se puede oyir mis emisyones, porke la radyo no va muncho mas leshos ke Paris. Al kontraryo, los ke tyenen internet (ama no abasta internet, kale tener tambyen mazal, porke munchas vezes no kamina) pueden oyir a kada momento del diya i de la noche a las emisyones de la radyo djudiya de Paris indosen sovre el sityo:?http://www1.alliancefr.com/radio.ahd?menu_id=132?Aya kale tener pasensya i asperar un poko, porke el sonido no vyene pishin.
El djueves 11 de Novembre, vo arresivir a una eskrivana Angèle Saul, ke eskrive kuentos (ya salyo un livro intitulado Djoha i Djohaya) i ke sera akompanyada de una muzikante i kantadera, Sylvie Cohen, ke va djugar tambor i kantar kantikas?en djudeo-espanyol. Ama komo eyas avlan solo franses, las resivire en franses. Por siguro kombido los ke entyenden?el franses a sintirmos el djueves 11 de novembre.
Si kere el Dyo, vo aboltar a mis emisyones soliko en djudeo-espanyol komo ago en jeneral a partir del 18 de novembre... Saludos a todos,?Edmond Cohen Paris Fransya”.
