Segun lo ke mos konto muestra kerida Tilda Levi, no solo la grande Kehila estava yena, ma tambyen la teva eya mizma, ande toda la famiya estava reunida al torno del rezin nasido.
Şmuel Luka Baler
inyeto de Süzet i Sami Herman, Prezidente de muestra komunidad, ansi ke de Yildiz i Izak Baler, i ijo de Etel i Robert Baler.
A un syerto momento la boz eksepsyonalmente harmonyoza de muestro Hazan arashi David Sevi intensifyo ainda mas la emosyon de los partisipantes.
Dia de konsekrasyon, dia de paz interyor i de gravidad serena.
Mazalozo i venturoza ke sea Smuel Luka Baler, ombre de vertud, amado por el Dyo i por la djente, provechozo a su entorno, las manos syempre yenas i el korason alegre.
Todas muestras felisitasyones a las famiyas Baler i Herman.
