Entre los diferentes Oscares ke fueron distribuidos este anyo, el Premyo konsernando la mijor aktrisa fue atribuido a Natali Portman, de su verdadero nombre Natalie Hershlag, por su interpretasyon en el filmo “Black Swan”.
Natalie Portman (Hershlag) es una aktrisa İsraelo –Amerikana, ija de un grande jinekologo instalado en Long Island, diplomada de la seksyon de psikolojia de la famoza Universidad Harvad.
En desparte del sinema, Natalie Portman lavora tambyen en la “Finca” (Foundation for International Community Assistance) ke es una asosyasyon enteramente no-lukrativa ke propoza solusyones de “mikro-kreditos” en los payizes en estado de evolusyon.
