A la sigida de la deklarasyon de Richard Goldstone al “Washington Post”, ke su raporto del anyo 2009 (en el kual el akuzo los militaryos Israelyanos de aver apuntado intensyonalmente viktimas siviles Palestinyanas) era yerrado por falta de informasyones de la parte de las otoridades djudias, el deputado Israelyano Danny Danon ke se topava de pasaje en los Estados Unidos, demando a un grupo de avokatos Djudyos Amerikanos de inisyar una aksyon en djustisya kontra el djuzgo Sud-Afrikano por aver desfigurado el imajen de Israel i aver ansi kavzado seryozos danyos al payis.No se trata de un akto de vengansa, ma de djustisya.
