Despues de los tristes insidentes militaryos provokados a la baza por un asalto del Hamas kontra un otobus de eskolaryos, lo ke kavzo ripostas aeryanas de la parte de Israel, la tensyon suvyo de mas de un grado en las dos partes de la frontyera.
Alhad el 10 del mez koryente, tredje (13) roketes (kohetes) se abatyeron de muevo sovre Israel, sin kavzar kualkyer danyo de grande importansa.
Un responsavle del Ministeryo de la defensa izo saver a los gazeteros kel governo Israelyano tomo la desizyon de nos ripostar por las horas, el disho: “todo depende del kampo adverso ...si eyos no atakan ni mozotros atakaremos... ma en kavzo de tiros de misiles ke danyaran kualkyer sivdadino de muestro payis, la situasyon trokara”.
Es ke esto es un premisyo, por seguro ainda muy flako, de una esperansa de no-belijeransya?
Todo es posivle, mizmo la paz, a kondisyon de kererla realmente.
P.S. Mates demanyana
Segun una informasyon de Tsahal el “korta-fuego” kon el Hamas es frajil i no turara muncho.
La armada Israelyana se topa syempre en estado de alarma.
