Los kreadores de los karakteres del komık kaje todos son judıos. Los ıjos de los emıgrantes judıos de la Amerıka fueron forsados a ser de la segunda klasa. La gerra de estos judıos por la verdad ı la justısıa esta reflektada en estos superheroes.
“Up, Up, y Oy Vey” un livro eskrito por el Rabino de Jabad Simcha Weinstein esta kontando komo la istoria judía, la kultura ı las valores judıas ayudaron a los kreadores judıos a formar los karakteres del komık. La duble identidad ke estos karakteres bıven esta reflektando las dos vidas ke el judıo de la dıaspora bıve; su vıda privada komo un Judio, ı su vıda publıka. Estos superheroes estan reflektando el judaızmo en tres kontekstos dıferentes; ıstorıko bıblıko ı kultural. Segun el Rabıno Weınsteın estos superheroes son los desendıentes de una tradısıon judıa yena de superfuersa komo Samson por egzamplıo. Estos superheroes son lo mas etranjeros ı malentendıdos en una tıerra etranjera.
Los kreadores de Superman son dos judıos amerıkanos; Jerry Sıegal ı Joe Shuster. Siegel ı Shuster krearon un personaje ke reflekta sus proprıas valores judías. Segun Weınsteın la istoria de Superman tiene paralelizmos kon la vıda de Moshe Rabeno. Un padre salva la vida de una kreatura metıendolo arıento de un sesto (o una kapsula espasial) i lo embıya flotando a un muevo mundo ande va bıvır en la segurıdad. La kreatura rankontra una famiya mueva en su muevo mundo. Todo tıempo Superman es gıdado por el saverisıo ı los konsejos de su padre. Superman bive dos vidas kon una identidad sekreta. Komo Moshe Rabeno Superman salva la djente de los dezastros.
Siegel ı Shuster nunka deklararon ke Superman es judıo ı probablamente no tuvıeron la entısıon de dızırlo porke en el tıempo de la segunda gerra mondıal mezmo en la Amerıka avıya grande predjudızmo. En sus primeras istorias Superman en vezes kıtava en medıo los planes sekretos de los nazis almanes. Los amerıkanos no lo puedıan entender ma en su lıvro Weinstein eskrıvıo ke en el anyo1940, el ministro de propaganda de los nazis Josef Goebbels denonsıo a Superman komo judío.
En su lıvro Weınsteın esta kontando la enfluensıa judía en los superheroes, komo Batman, Capitan America, Hulk, Los Kuatro Fantastikos, Spider-Man ı X-Men, la majoríta de estos karakteres son kreados por artistos judıos. Todo empeso kon la reushıta de Superman.
