Esta semana, prinsipyo de invyerno, kero empesar kon una buena novela en el espasyo de muestra pajina Djudeo-Espanyola. La semana pasada resivi un golpe de telefon de muestra kerida kolega Sara Yanarocak ke se topa desde 2 mezes en Israel ande eya i su marido fueron para resivir la tresera de sus tres inyetos (un ijo i dos ijas)....
En su boz se puedia persivir la grande alegria ke eya sentia, su riza komo syempre era sonante, el anyo pasado avia una sola Sary Yanarocak (eya mizma) i oy tres, para una larga i buena vida, yena de amor, de gozo i de rizas.
Ke su inyeto el bohor i sus dos inyetas las dos ‘Sarikas’ se engrandeskan kon padre i madre en lo bueno i la opulensya ansi ke en la kerensya i la harmonia, elementos de baza de la famiya djudia.
Ke eyos sean mensajeros de paz i de entendimyento mutual en sus entorno, syempre provechozos i syempre dadores de alegria.
