Keridos amigmozotros el orgolyo, la kontentes i la alegriya de toparmos kon los lektores. Es tambien un plazer ke se renovela kada empesijo de mez. Me parese ke no es yerrado de dizir ke esto es la preva de una reushita komuna. Una reushita ke no apartiene solamente al kuadro de eskrivanos, redaktores, editores o responsavle del dezinyo, ma tambien i a los lektores.
Son vuestros mesajes, vuestra fidelidad ke mos esta dando la ardor, el entuzyazmo de kontinuar. En vezes vo pensando ke ay komo un muevo entereso a muestra lingua ansestrala, malgrado ke este entereso dayinda es muy flako. Esperaremos ke va pujar…Yo en tal ke eskos, kon el numero 84, muestra revista “El Amaneser” esta kompletando su 7.en anyo. Esto sinyifika para
ritora en Judeo-Espanyol de esta pajina del “Şalom”i de “El Amaneser”, puedo no ser imparsyala, ma estamos konstatando ke muestra lingua esta enteresando bastante de lektores.
Agora kero avlar de una otra revista en Judeo-Espanyol, muy importante, muy presyoza: “Aki Yerushalayim”. Fondada por el Sr. Moshe Shaul en 1979, resientemente publiko su 90. numero. A esta okazyon, muestra amiga Klara Perahya eskrivyo un artikolo en esta mizma pajina del “Şalom”. En meldandolo me fui otruna vez a mis rekuerdos, portanto no muy ansyanos. Seya en mi kaza, seya en la de mis paryentes, Moshe Shaul para mi fue anyos i anyos “La Boz del Judeo-Espanyol” ke no mankavamos de sintir en kada noche en la Radio Kol-Israel”.
Despues, lo empesi a konoser kon sus eskritas tambien, en su revista ke fondyo i es oy en diya el redaktor. Pasando anyos, entre 27-30 de Avril 2007, se organizo las “Jornadas de Cultura Sefardi” en Estambol. Tuve la shans de konoserlo personalmente durante unos, kuantos diyas myentres este Seminaryo. Selebrimos la Noche de Shabat endjuntos en el mizmo pranso i ansi topi la okazyon de azer una buena konversasyon kon el Sr. Shaul. De sorte ke me kedo un buen rekuerdo de akeyos diyas de Kultura, ande konosi tambien i otros nombres importantes luchando para la konservasyon de muestra Lingua i Kultura.
Me esto permetyendo de transferar aki unas, kuantas linyas del artikolo de muestra amiga Klara Perahya: “Moshe Shaul reprezento syempre a mis ojos el simbolo de esta lucha, al empesijo muy dura, kontra la indiferensya de munchos de muestros korelijyonaryos de orijen Sefarad. Era el solo, kon unos dos kolaboradores a kombatir los vyejos demonios de la indiferensya, chiko grupo kon una konviksyon obstinada ke sola puediya savlar del olvido este vyejo dialekto de muestros padres…”.
Yo, muy frekuente en mis eskritas me keshi de esta indiferensya. Un jurnal, una revista o kualkyera publiksyon puede kontinuar su vida kon el entereso i fidelidad de sus lektores. Egzakto, komo lo afirmi mas ariva, mizmo si no es bastante, ay un entereso a muestra lingua de la parte de los lektores. Portanto fiandome otruna vez a la kompreansyon de todos los amigos ke estan meldando estas linyas, va adjustar una koza: Si no ay eskritores no ay ni lektores… Esto regretando de repetarlo. No ay ken eskriva en Judeo-Espanyol. No ay ken mos mande unas, kuantas linyas paraestaojademuestrojurnal.
A kada okazyon el Sr. Salamon Bicerano (de b.m) diziya ke malgrado ke rezervimos una sola pajina al Judeo-Espanyol, tenemos un chiko shifro de eskrivanos en esta lingua. Syempre lo dishe i esto repetando. El fakto ke meldash esta oja o “ El Amaneser” es una preva ke konosesh el J-E. Alora, deke no azesh un esforso para eskrivir en esta AAAanekdota, lo ke keresh. No estamos demandando ovras literaryas.
Aki otruna vez esto renovelando mi rekuesta a los ke syenten el menester i el dezeo de eskrivir en muestra pajina. So konvensida ke tenemos un potansyel eskondido puede ser detras de una timiditad. Si keresh ke esta oja kontinue a bivir, deshad vuestra timiditad o indiferensya. De esta manera vash a reushir a kitar vuestro potansyel de la solombra ande esta eskondido…
