“Prof. Daniel Zajfman” el Presidente del “İnstituto de Sensya (bilim) Weizman”, konosido por el mundo entero, vino komo envitado la semana ultima a Estambol.
El konto los sekretos de la reushitad siyantifika (bilimsel). Asigun el “Prof. Zajfman”; demandar, estar kuryozo de saver (merak etmek), imajinar liberamente sin dinguna presyon (baskı), azer bushkidas (araştırmak), akumular (biriktirmek), djuzgar (muhakeme etmek) i topar los rezultados son los sekretos de la reushitad.
“La sensya es el orijen (kaynak) de la esperansa. Kualo es la bushkida siyantifika? Israel es un pais muy chiko. Kualo puede azer para enfluensar los otros paises del mundo? Mozotros somos diferentes de los otros. Meter en medyo ideas muevas es difisil i realizar estas ideas es muncho mas difisil.
Para pueder realizar este lavoro kale tres elementos emportantes:
• Kuryozidad (merak)
• Konosensya (bilgi)
• Edukasyon (eğitim).
Despues ay la aplikasyon (uygulama).
El İnstituto Weizmann esta kreando la saveduria (bilgi yaratmak). Ay munchas personas ke tyenen ideas diferentes en este Instituto.
Oy, uno de los sujetos ke se esta lavorando en el İnstituto de Weizmann es; la problema de la enerjiya del mundo. Un sigundo es enrikeser las solusyones medikales (tıbbi çözümler) i arrezyar (güçlendirmek) estas solusyones.
La relasyon (bağlantı) entre las personas kon el entorno (çevre) es un punto emportante.
Ambezar, deskuvrir (keşfetmek) es un fakto ke se desvelopa (gelişmek) en el meoyo (beyin) de la persona. El İnstituto Weizmann es un platform de los enventos (icatlar) siyantifikos.
Las personas estan kreando novedades (yenilik) kon sus meoyos.
Este İnstituto:
• konstruizo el primer kompyuter.
• İzo konoser las investigasyones (araştırma) del kanser.
• Fondyo un sentro de bushkidades sovre la fizika nuklear (nükleer fizik).
• Fondyo un sentro de desvelopamyento de la nano teknolojiya.
El İnstituto Weizmann se fondyo en 1949.
En dinguna universita del mundo no ay este kadar de patentas (patent). Mozotros tenemos 7 patentas.
Las investigasyones ke se aze en muestro sentro influenso el mundo entero.
En edukando los ombres reushidos de sensya, reushimos a trokar un pais de agrikultura, a un pais de sensya i de teknolojia (bilim ve teknoloji).
La sensya no apartyene a dingunos. Kolaboraremos (işbirliği yapmak) por la sensya para aunar las personas.
Aunar las personas es una koza formidavle. Esto es el dover, la misyon de las personas de sensya.
La fuersa del meoyo (beyin gücü) es la mas grande rikeza del mundo.
La populasyon de los djudyos en el mundo es % 0, 02, ma 25% de los djudyos estan ganando el Premyo Nobel. Komo puede ser?
Aki el byervo emportante es la edukasyon, la instruksyon.
La baza del İnstituto es la medikeria (tıp) i las kuras.
La fuersa del pais es basada sovre sus ideas.
Para reushir en las bushkidades de sensya, kale tener pasyon (tutku) sovre el sujeto.
Para la hazinura multipl-skleroz desvelopimos 2 kuras”.
El Profesor termino su avla en dizyendo:
“Tene konfiensa en los ombres de sensya.
