Antes unas, kuantas semanas resivi mezo mi ijo, una letra de muestra amiga Rachel Bortnick de Dallas. Mi ijo tomo el “print” para mi i la efaso de la komputadera. Pensi ke en una okazyon le iva responder a Rachel...
Esta semana, estando muy okupada, avizi el Jurnal ke no iva tener la posivilidad de mandar algun artikolo. Entervalo vino otrun mesaje de Rachel, demandando deke no publiki la sovredicha letra. La verdad ke kedi un poko “shasheyada” porke no me dyo dingun indisyo ni avizo ke la mando para la oja de Judeo-Espanyol del Şalom. Alora, mi sensyo de “etik” i “dover”me konseja de eskrivir estos byervos de eskuza i de rengrasyo enverso mi kerida Rachel. Komo lo dishe, tengo el print, kon los byervos de Rachel vo reeskrivir unos kuantos paragrafos de la...
