Segun lo ke meldamos en la prensa, dia de alhad pasado despues del anunsyo de la konkluzyon de un akordo historiko entre las Potensyas Internasyonales i Teheran, el Prezidente Obama deklaro ke se trata de un akomodamyento muy pozitivo ke permete un kontrol kontinual del potensyal nuklear İranyano, lo ke renforsara la seguridad de Israel. El konkluo en dizyendo.” No puedemos serrar la puerta a la diplomasia i no puedemos refuzar sin aprovar ‘solusyones pasifikas’ a los problemas mundyales”.
Por kontra el primer Ministro de İsrael i su kabineto denunsyaron un error historika. El governo İsraelyano pensa ke se trata de una falsa konkluzyon ke akorda al Iran “la abolisyon parsyal de las sanksyones ekonomikas ke le fueron inflijidas estos ultimos anyos” todo en guadrando una parte esensyal de su programa nuklear, lo ke le permetra de kontinuar a enrikeser el uranium mizmo si ofisyalmente el nivel de enrikesimyento es muy basho....
Los anyos a venir mostraran ken tyene razon ...El Dyo ke mos proteje i proteje la humanidad
