La solidaridad nase del umano i se topa en la igualita (eşitlik) del mundo ke auna (birleştirmek) a todos en el universo. Esta igualita es una formasyon direkta del respekto del umano, ke apartyene a la realitad de la persona sin dar emportansa a lo ke es la persona, su rasa, su edad, su sekso, su nasyonalitad u su partido.
La solidaridad kontyene; la fidelitad al amigo, la kompreansyon al maltratado, el apoyo (destek) al ke esta persiguido (takip edilmek), i munchas otras…
Topamos estos puntos emportantes en azyendo la analiz de la valor de la solidaridad.
- Piadad; porke la solidaridad es un sentimyento ke determina el modo de ver i aserkarse de la realitad umana, en vyendo las kozas i los otros kon los ojos del korason. Sintir un sintimyento de fraternitad por la dolor de los otros.
- Rekonosimyento i Universitalitad.
Ke entendemos del byervo Solidaridad?
- La solidaridad es una vertud (fazilet) ke es el kontraryo del individualizmo (bireysellik) i del egoizmo.
- Syempre bushka lo ke es bueno para todos.
- Solusyona la mankansa (eksiklik) moral u materyal de los otros.
- Syempre esta pronto a ayudar al den frente.
Deke la solidaridad es emportante?
Porke la solidaridad es lo djusto. Porke; todos bivimos
en una sosyetad, porke todos tenemos menester del den frente, porke todos estamos endjuntos en este mundo sivilizado, porke somos umanos, iguales i derechos (doğru, dürüst).
Puedemos dizir ke la solidaridad es el akto; el kual una persona realiza aksyones en benefisyo de otro sin risivir nada del den frente.
La solidaridad reelmente es; la baza de la sosyetad umana.
La solidaridad es el sintimyento de responsabilitad de parte a parte, en medyo de un grupo de personas ke son ovligados moralmente los unos komparados kon los otros.
Un egzempyo de organizasyones bazadas sovre la valor pozitiva de la solidaridad.
- Los sindikatos (sendikalar).
- Munchas diferentes asosyasyones.
- Los partidos politikos, i munchos otros.
En el empisijo del syeklo 20, las mizeryas ekonomikas, sosyales i kulturales estan pujando de dia en dia.
Mas de una milyarda de personas estan ambyertas.
Una milyarda de personas estan bivyendo en las sivdades de bidones (bidonşehir). Las inegualitas (eşitsizlik) no estuvyeron nunka este karar de grandes entre los paises.
La solidaridad enternasyonal es; de ver estas inegualitas para pueder gerrear i pueder ganar, es un akto nesesaryo por todo el mundo, porke; es la kondisyon (şart) de un mundo mas djusto.
