Antes sinko dias me fui vijitar el museo de “PERA” kon una amiga kerida. En kada etaj una ekspozisyon diferente kon kolores diversas i muy enteresante.
Suvimos kon asansor ariva ariva.
En este etaj aviya la ekspozisyon de “Sophia Varı” una pintadora (ressam) ke nasyo en Gresya i ampeso a azer estatuas (heykel). La Artista lavoro kon muncho materyal komo; marmol (mermer), bronzo (bronz), i metal (maden) presyozos. Eya tomo la jeometria komo egzempyo para pueder dar la forma de una persona a sus estatuas. Eya es konosida kon sus estatuas monumentales (anıtsal) en las kuatro partes del mundo entero. En esta ekspozisyon puedemos ver la armoniya i el monumentalismo kon las kolores bivas i las formas en forma de personas.
Sophia auno (birleştirmek) lo fiziko (fiziksel) kon lo psikolojiko (ruhsal), lo lojiko (mantıksal) kon lo sentimental (duygusal), lo derecho (düz olan) kon lo volumo (hacimli olan).
Un etaj mas abasho aviya una ekspozisyon de fotographias de “Yıldız Moran”; ke es la primera mujer fotografa (fotoğrafçı) ke tomo una edukasyon akademika. Eya es un nombre emportante en la istorya de la fotografia Turka.
Eya utiliza la luz (ışık) kon una abilitad (ustalık) ekstraordinarya. En sos fotografias puedemos ver; su boz interyor (kendi iç sesi), para pueder alkansar el tyempo (zaman) ke se esta bolando.
Kaminando mas abasho gravuras i portres de embasadores (elçi) del 17en al 19en sieklo, i el konservamyento del arte (sanat koruyuculuğu).
A la fin el primer etaj; la vida i el arte de un ombre muy konosido i famozo: “Osman Hamdi Bey”.
Un personaje aklarado, intelektual ke se okupo en su vida de la pintura, de la arkeolojia, de los muzeos i de la edukasyon del arte. El kontribuo (katkı sağlamak) a su vida kultural i del arte kon rikezas diferentes en munchos puntos de vista.
El arte de la pintura (resim sanatı) por “Osman Hamdi Bey” fue una pasyon (tutku) en su vida ke kijo progresar (ilerletmek) syempre. Puedemos ver el oryantalizmo en sus pinturas; kon las figuras de mujeres i ombres vistidos del tyempo otoman.
En sus ovras a parte del oryantalizmo se puede distinguir (fark etmek) los portres de las personas de su famiya i panoramas (manzara) de Gebze i Eskihisar.
En estos peyzajes el utilizo la teknika del empresyonizmo.
Su ovra la mas konosida es: “El Ombre kon las Tartugas” (Kaplumbağalı adam).
En el anyo 1877 el fue el prezidente de la Munisipalidad de Pera i Galata en Altıncı Daire.
Sus ovras partisiparon a las ekspozisyones en Paris, Londra, Berlin i en munchos fuares enternasyonales.
***
Keridos Lektores, despues de este paseo kultural, vos kontare la boda ke asisti ayer en Neve-Shalom.
La boda de “Tilda Devidas & Melih Behar”.
Neve-Shalom es la sinagoga la mas grandiosa de muestra komunitad. La sinagoga estava dekorada de rozas blankas maraviyozas.
Los hahames kon vistidos blankos, el Grande Rabino i todos los envitados asperando la novya komo un ancelo. El Rav.İzak Alaluf izo una avla sinyifikativa en dando a entender la formasyon de una famiya, ke la baza es la boda entre dos personas ke se keren byen.
La novya kon kara riyendo allado de su padre arivo kon el fostan blanko. Dike paresiya a un pasharo bolando de felisidad (mutluluk).
Komo la novya i su famiya son de İzmir; a la fin de la orasyon fue una fyesta nombrada kezada.
Trusheron en un tefsin masapanes echo en kaza en forma de pasharos. Una de la famiya izo una avla en dizyendo; ke esten orozos fina la fin de sus vidas, rompyeron el blok de masapan enriva la kavesa de los novyos i ofryeron despues a todos de este masapan muy savrozo i pastozo.
Sus amigos i la djente ke aviya estavan dando una felisitad (mutluluk) i una atmosfera kayente.
A la fin fotos kon las famiyas i la boda se termino kon una muzika diferente ke plazyo a todos.
Eyos ke tengan byen i mozos tanbyen. Ke esten orozos fina la fin kon sus famiyas i todos endjuntos.
