DİANA PENSO /ESTAMBOL
Yo la yamo “chikitika”, eya me responde “chikata”.
Demuazel de sesh anyos, de ke empeso a konoser los shifros, eya me avre telefon sola, para tomar de mis novelas… De ke konosıo las letras, me eskrive kartas de augurasion en fiestas i aniversarios. I no se olvida de desinar siempre un korason al lado de la sinyatura…
Kuando va vinir a mi kaza, inche una poshet, d’eya para eya, de frutas, shokolat, leche chika i me la traye regalo para mi.
Jestos ke me inchen de alegria…
I por mas ermozo, kualo me disho el Dia de la Fiesta de los Padres (Babalar Günü)? “Mersi, babaanne (gran maman), ke me dates este modo un padre!” Me va kitar loka kon sus avlas!
“Mersi a ti, kukla…”
Eya es dulse komo el sharope, i ermoza komo el sol i la luna. Le auguro vidas muy largas, kon todo lo bueno del mundo…Amen!
Ultimamente me eskrivyo una poezia, en aziendo akrostiko kon mi nombre:
Dalia’dan Diana’ya
Doğduğumda anladım iyi bir insan olduğunu,
İnandım o an doğru bir karar verdiğimi.
Anılar doldurdun o zamandan bu zamana kadar.
Ne zaman istersem yanımda oldun.
Arkadaş gibi davrandın bana her zaman.
Teşekkürler Babaanne
DALIA PENSO
