Elsa Ers Brosh, artista visual, mos avre la puerta de la galeria por una mueva seria de pintura kon teknika “mixta media”
Elsa krea un linguaje de kolaje propria a si,. Asembla elementos de su vieja erensia kultural, kon elementos de la kultura kontemporanea.
Desde 2005, se intereso a koleksionar fotografias antiguas anonimas. Se sierve de esta koleksion personal, para visualisar i kontar istorias para kitarlas de sus mundo sakrado i anonimo, i las instala en el mundo ordinario i imperfekto. Tambien utiliza los desenes de Kilimes Turkos i los asembla kon fotografias topadas ande los sahafes. (vendedores de livros viejos).
Los simboles ke empleya son para desinyar i protejar o guadrar la identita de la famiya.
Puedemos remarkar la personalita de la mujer, la psikolojia de la mujer, simbolo de “aunar” i “krear un nido”...
Me interesa la bushkida de Elsa ke, avlando de su pasado nostaljiko kon formas, kolores i desenes, supo adaptarlos i renovelarlos i, sovre todo, reflektar el siglo 21.
Elsa nasio en Estambol, en 1982. Despues del liseo, se instalo en Paris para kompletar sus estudios, en Parson’s School of Design (2005), i Bakaloreato en la Sorbonne (2007), sovre la Lingua i Sivilizasion Franseza.
La artista talentuoza bive en Tel Aviv
Partisipo a la Fuar “Contemporary Istanbul”, 2014.
Mos invita a su ekspozision en Estambol, en Pg Art Gallery.
Sera un plazer de partisipar al vernisaje para kontemplar su kreativita...
Siempre arte en tu vida, kerida Elsa.
