Keridos lektores,
A la okazionde la primavera 2015, vos sueto pas i sukseso en vuestras vidas.
Me gusta, a la okazion de la primavera tambien, de partajar el plazer ke tuvimos de ver un filmo Japonezo de UNA ESTETIKA inkomparavle:
Kada karé de la pelikula era komo un tablo artistiko, trasado kon karbon. kolores pasteles. La grasia del movimiento paresia a estampas japonezas. La simplisita, el romantismo, el realismo i la ermozura de la istoria kontada mos yeva a la felisitad.
Se traso un paralelo entre las sensasiones irreales i la moralita de la egzistensia.
Los kantes melodiozos, armoniozos, las montanyas vedres, rozas, arvoles de serezas yenas de flores es el mesajero de la primavera, es de no mankar de ver..
Un Filmo de Animasyon Japonezo, una Fiesta Vizual:
LA ISTORIA DE LA PRENSESA KAGUYA
Bozes de: CHLOE GRACE MORETZ, JAMES CAAN, MARY STEENBURGEN
Direktor Senaristo: ISAO TAKAHATA
LOS FILMOS INDEPENDENTES DEL FESTIVAL 2015 (BAĞIMSIZ FİLMLER) SE PUEDEN SUİVAR EN ESTAMBOL, BURSA, ANKARA, ESKİŞEHİR i İZMİR.
El Sujeto:
En una shara prove, un ombre gana su vida en vendiendo bambu.
Un dia el lenyero sorprende a una chika prensesa ke aparese de un kresimiento de bambu. La yeva a su kaza i la prensesa se trasforma en un bebe. Kuando se engrandese, deviene una prensesa.
La prensesa atira la atension de todos por la razon de su splendor i ermuzura. Kaguya resive munchas demandas matrimoniales. Durante anyos, el ombre i su mujer la aman komo si fuera sus ija i se demandan la kestion: Ken es esta esplandida ija, de ande es ke pudo vinir?
El filmo fue realizado de una istoria ansiana Japoneza.
La fuite des ames (Ruhlarin Kaçışı), o el filmo “Prenses Mononoke” son las produksiones de animasion ke se konosen del studio Ghibli.
Munchas grasias i felisitasiones a los realizatores artistikos...
