NARRADOR: M.M DELEVİ
TRESLADO: COYA DELEVİ
Despues de la fyesta de Pessah del anyo 2005…En el Monte Simboliko “MİLA 18” del Getto de Varshova, ize la konosensya del Kante “The Last SEDER in the Warshaw Getto” del Rav Shlomo Carlebach. Oganyo es el 10. Aniversaryo de este evento. Seya por esta razon, seya achakes de la relasyon kon mi nombre, tuve el dezeo de partajar kon los lektores la estorya de este Kante.
Es la estorya del sigundo i ultimo Seder en el ultimo refujyo del Getto de Varshova, ande aviya kedado la unika famiya kon un ijiko djudio. Asta la aparisyon del MASHİAH, nunka akontesera de bivir un Seder semejante… İ, el ninyo Moshele demanda: “Ma nishtanah ha layla haze mi kol haleilot?
“Deke estamos tanto sufriendo?Deke estamos sufriendo mas ke todos los otros puevlos? ...Moshele esta preguntando i, en silensyo “GAN EDEN lo esta sintyendo. El ultimo ninyo djudio del Getto de Varshova esta demandando repuesta a la mas onda pregunta del mundo i su padre se esta aprontando a darle repuesta…
“Avadim ayinu…”. Ma, la Estorya es muy larga i Moshele dize: “Tatte Zisser, tengo mas preguntas. Te rogo respondeme. Es ke estaras en vida en el Seder del anyo ke viene? İ yo tambien?... Es ke vo pueder de muevo demandarte “Ma Nishtana?...Es ke en algun lugar de esta tyerra va kedar un djudio bivo o un Moshele para preguntar: Ma Nishtana?
Despues de la kuatrena demanda, un profundo silensyo anvelopo Ganeden. Myentres las preguntas de Moshele, las lagrimas del Ganeden estavan kontinuando komo una kaskada. Hakadosh Baruh Hu, muestros tres Padres i muestras kuatro Madres estavan yorando kuvriendosen sus karas…
Agora era el torno del padre de dar repuesta a las demandas de Moshele. Lo syenteremos: “No puedo saver si vas a estar en vida, tambien no se afilu si yo mizmo vo kedar en vida. Ma esto bien siguro ke syempre avra un Moshele. En este Mundo,en algun lugar, absolutamente va aver todo el tyempo un Moshele para preguntar “MA NİSHTANA?. Porke, “Ribono Shel Olam” , EL TODO PODEROZO mos aprometyo: Syempre va aver un MOSHELE”... Moshe Metin Delevi.
Notisya:
El orijinal en turko de este teksto salyo en el “Bulten de PESAH de la Fondasyon Sinagoga Ashkenaz de Yüksekkaldırım. Coya Delevi.
