El filmo ‘Yüzündeki Sır’ (El Sekreto De Su Kara) fue projetado en el festival del filmo de İstanbul kon este nombre; ma el nombre ‘Phoenix’ es muncho mas adekuado al sujeto:
Phoenix en (Grego), en la mitolojia Farsi es Simurg, i en la mitolojia Turka es Zümrüd-ü Anka. Es el pasharo ke kuando empesa a sintir la proksimita de su muerte, konstruisa su nidode ramas sekas i se fiksa a su nido. Se kema del sol fuerte, i de las sinizas nase sigun la leyenda un fenix muevo...
Es komo un simbolode la resureksion komo egsiste en siertas relijiones.
Nelly es una kantadera ke sovrebivio de Auschwitz. La savian muerta... Es enkonesable por aver subido torturas en su kara. Dospues de la chirurjia estetika ke paso se konvierte a una otra persona. La unika persona ke esta ansiosa de enkontrar es su esposo Johnny.
Ma su amor grande no la konose kuando se enkontran. El marido esta todaviaa enamorada de Nelly, o es solo la buchkida de su dinero?
Nelly komo un fenix, malgrado ke bivio kon el amor de Johnny en los kampos, kuando supo los planos de su marido, toma la desision de bivir una vida mueva.
Fue demandado al regista de la pelikula “Christian Petzold.”
Dospues de la Sigunda Gerra Mondial, Berlin se transforma en una espese de esenas de pelikulas areskuras... (Film Noir-Kara Film).
Ay munchos filmos sovre los Nasis i el genosidio, ma no ay unas ke se sentran a la fin de la gerra.
Savia el periodo entre 1945-1962 en la istoria del cine Aleman, este kavso siempre me inyervo...
Dingunos ni los payises no se estavan interesando a estas personas ke puediyeron tornar de los kampos...
Por el kontrario ay munchas pelikulas relasionadas de los Nasis aristokrates; por ke rasonel ex Nazi Aleman ama aktores i sineastos de este periodo
De todo modo, es el momento de sentrar se a lo ke avia pasado en la gerra..
En una sena en la pelikula, Johnny (Ronald Zehrfeld) dise ke no kere mirar a los ojos de los sovrebivientes de los” kampos de konsentrasion.” Ser siego es tambien el tema del filmo Phoenix…
El mundo entero era siego a eyos.
Johnny un portre? A esta sesita.
LA KONFRONTASION DE LOS ALEMANES
Por ke es tan difisil de pedir diskulpas a los Alemanes?
No kerian mirar tan profondo. Kerian kontinuar a sus vidas.
A lo manko fue el movimiento estudiantil ke komenso en 1968. İ los jovenes demandaron a sus padres, avuelos i se buchko respuestas a esta terivle demanda: “Ke izieron en esta gerra kontra los Judios por el amor de Dios?”
Rengrasiamos Dr. Seyfi İşman por su analisa del filmo orijinal i, emosionel.
Miliones de situasiones se pueden sitar algunos orosos i otros malorosos.
