A partir del anyo 1960, en la komunidad judía de Azerbaijan empeso un renasimiento kultural. Los judios empesaron a kitar gazetas judias, avrieron munchas organizasiones kulturales i se empeso a dar kursos de ebreo en Baku.
Despues de la kaida de la Union Sovietika, se avrio una Yeshiva en Baku en el anyo 1994, una eskola de Habbad fue establesada en en el anyo 1999.
La lingua ebrea empeso a ser estudiada en una universidad del estado, i el ebreo se metio komo lingua sekondaria en dos eskolas segondarias.
En el 31 de mayo del anyo 2007, la konstruksion del Sentro de Habbad Or Avner de Estudios Judios en Baku, empeso kon una seremonia. En esto sentro, se avio una eskola, una maestra por las kreaturas, kamaretas por los envitados, un sentro sientífiko, i una biblioteka. En el mezmo anyo, se avyo tres sinagogas en Baku (una para kada komunidad).
En el anyo 2005, Yevda Abramov, un Judio, fue elejido miembro de la Asamblea Nasional de Azerbaijan.
Baku es la kapitala de Azerbaijan. Azerbaijan es konosido komo el shampion del mundo en la diversidad kultural i relijioza. Ay djente ke dizen ke Azerbajaijan es tan tolerante porke es una nasion sekular. Ma, la toleransia por todas las relijiones en Azerbaijan no es porke la djente no son relijiozos. La vida relijioza en Azerbaijan se ve en todos los lugares, kon edifisios para kada relijion. Los muslumanes se pasan muy bueno kon los vizinos judios, i kristianos.
Los 30.000 Judios de Azerbaijan son ashkenazis, sefardís, hasidikos, i los Judios de la Montanya ke son una komunidad de 2.000 anyos.
Los judios nunka sintieron el antisemitizmo. Estan kontentes ke biven en este pais, protejados, i respektados.
En el anyo 2003, el prezidente de la republika se izo Ilham Aliev, ijo Heydar Aliyev, el sekretario del Komite Santral del Partido Komunisto de Azerbaijan (1969-1982), i prezidente de Azerbaijan (1993-2003).
En Azerbaijan, la relijion es separada del Estado. Todas las relijiones son igual delantre la ley. El sistem edukativo nasional es sekular. La lingua ofisial de la Republika de Azerbaijan es Azerbaijani. Ay personas de 140 grupos etnikos ke biven en Azerbaijan. Vente i dos de estos grupos biven en diferentes rejiones del estado.
Ay tres komunidades judías en el moderno Azerbaijan: judios Ashkenazis, Judios Bukharian, i Judios de Jorjia. La komunidad de Judios Bukharian es la mas vieja, sus antepasados vinieron kinze siglos antes.
En el anyo1870, komo la endustria del petrol en Baku kresio, munchos Judios de la Evropa i de Rusia, vinieron a enstalarsen en la parte Norte de Azerbaijan. Estos eran la majoríta entelektuales: enjeniores, doktores, avokatos i profesores.
Todos los rabis i los obzervadores notaron en dokumentos (empesando del tredjen siglo), ke la populasion judia de Azerbaijan nunka se enkontraron kon dingun komportamiento antisemitiko. Los lideres del Kongreso Judİo Euro-Asian mensionaron: “El dialogo kon el Islam es uno de los prinsipales programes de la EAJC. La istoria de los Judios de Azerbaijan es un egzamplodel buen entendimiento entre las relijiones’.
