Amandomoz karinyozamente, komo un padre, mi tiyo, Albert Kazez, muestra juventud lo arrelumbro.
Laterna de la famiya, la alegria muestra kuando torno de la Universita de Michigan, mos motivo.
Bivimos djuntos en los pransos de fiestas grasias a la kaza de enverano, gozimos de su modernizmo.
Entuziazmado de las novedades de la teknolojia, profitimos de su saver sientifiko.
Representante de muestra kultura, izo profitar, la komunita judia kon su lojika.
Talentuozo en sus estudios, ingeniozo artisto, no manko nunka de felisitar mi arte plastiko.
Kumplido, fue el kurator, alimento muestra famiya komo un meseno.
Aprendimos de el los primeros pasos de blue-tango.
Zenith por sus keridos, unidos armoniozamente, Albert meresio respekto.
Estuvimos djuntos afektuozamente, i gostimos la valor del saver bivir...
Zafiro briyante en muestra vida, fue la estreya ke mos sirvyo de egzemplo en muestra egzistensia.
