Yaakov Avinu mando mesuyeron okde Esav su ermano en unas palavras muy tyernas i umiyantes, dandole saver las fuertes fatigas ke tuvo en sus 20 anyos i servisyo onde Lavan, i ke agora lo engrasyo el Kriyador i es patron de Kualker Koza, le rogo. Ke se olvide todo lo pasado ke seya su amigo por endelantre, komo ertas palavras ke azen ablandor el korason mas duro.
Los mesajeros izyeron el komando de Yaakov, fueron a punto onde Esav i di?eron las palavras de Yaakov. Esav no kijo sus palavras, se ensanyo mas munço kon su ermano.
Sintyendo Yaakov esto, se apronto para todo, enprimero rogo al Kriyador ke este en su ayudo sigun se prometo, ke lo eskape de Esav su ermano. Despues devizo todo su fonsado en dos partez i aparejo un prezente grande de ovejas i kuatropeas por darle a su ermano. Lo reglo de buena manera a ke se le inçıra el ojo de Esav. A medya noçe izo pasar todo su fonsadoa la otra parte del riyo, i la manyana kontenuo i kamino.
Serka el medyo diya, ve Yaakov de enfrente a Esav Kon su Konpanya ke vyenen a su enkontro. Alora se apresuro Yaakov i paso delantre todo su fonsodo i se enkorvo delantre su ermano kon munço respekto i ba?eza de esprito.
Entonses se troko la entisyon de Esav i se ablando su korason, i koryo ol enkontro de Yaakov lo abraso i lo bezo i yoraron de alegriya i le enprezento Yaakov. Todo akel dono ke aparejo para el, i atoda su konpanya les dyo munços regalas. En akel mezmo diya se torno Esav a su kamino a Seir, i Yaakov kontuneo su kamino para la tyerra de Kenaan. Arivo a el luguar nombrado Sukot ke es serka del Yarden i fraguo ayi kaza para morar i luguares para sus ovejas i moro ayi un syerto tyempor.
En loke teniya yaakov 100 anyos se le aparesyo vizyon del kriyador en Bet-El por arituguarse en Hevron alado su padre.
En el kamino, antes de arivar a la sivdad Bet-Lehem paryo Rahel un ijo de un parto muy fuerte, i muryo Rahel del parto a la edad de 44 anyos. Yaakov la enterro enmedyo del kampo i le izo un monumento sovre la tomba.
Este ijo ke paryo Rahel lo nombro su padre Binyamin. Despues de esto, se fue Yaakov a Hevzon i estavo ai munços anyos kon Yitshak su padre.
La perasha de la semana pasada
Vayetse
İ salyo Yaakov de Beer-?eva i partio a Haran. A kon este verseto enpesa la pera?a de la semana, i ansi enpasa tanbyen la istorya del viaje de nuestro patriarka Yaakov al egzilo. El de?a su ko za i sus parientes, sus keridos i salo al “Galut” Diaspora.
En su viaje el estasyona siendo se eskuresyo el sol. En el Talmud se enbezaron ansi: Yaakov por primera vez i sus ijo al avenir kuando fueron ovligados de kitar el payis para el Galut es komo se eskurese el sol i enpesa los diyas obskuros. La eskuredad terrivle de la diaspora apezga sus ojos.
Las diffikultades del ajeno los desrepozan a la persona tanto ke le parese ke la vida non kontinua mas por el. Dospues de anios a su retorno de este viaje longo yena de diffikultades, aklaro el sol.
Demandan nuestros savyos es ke solo a Yaakov aklaro el sol? Sino ke todos los anyos ke el se topava le?os de su famillia, no remarko las ermuzuras de la natura, no vido la klaredad del sol.
Para el fue uno noçe larga i eskura. Ma kuando torno el a su patria i a sus paryentes enstonses el se sintio ke esta bivyendo, i enpeso a tomar plazer de la vida i de las ermuzuras de la natura, del sol.
La lejenda nos save kontar ke Yaakov salio al viyaje kon munço dinero, ma Elifaz ijo de Esav kon la komanda de su padre persigyo a Yaakov a matar lo i tomar le vengansa.
Yaakov le dize a Elifaz: Si me tomas todo el dinero ke posedo es komo me mataras, i ansi kumples el orden de tur padre i en no matando me, porke el riko ke perye i todo su dinero es una sorte de muerte. İ ansi kedo prove i abatido. El also sus ojos a los syelos i demanda kon grande fey el ayudo de su kriador. Este fey i esta orasyon de dyo a Yaakov la fuersa moral i la enerjia fizika de pueder rezistir 21 anyo en el ajeno kon grande dezeo de arrivar a la fin a la tierra de sus avuelos. El puevlo Cudyo desendyentes de Yaakov kon mizma orasyon i mizma enerjiya kontinuo la vida en la diaspora. İ no se olvido ninguna vez la tierra de sus avuelos.
El orasyon por la pas de el lugar ke el bive ma de otra parte su orasyon era tanbyen por el avenir del puevlo en su tierra.
