Despues un sierto tyempo ke salyeron el puevlo de Israel del Ejipto. El primo
Este diya fue el diya ke devino por un puevlo la nasyon Djudiya. Resivyo la ley kon grande alegriya. El puevlo Djudyo prometyo ke eyos vana afirmar la Ley Santa en todo modo ke kondisyones. I dyeron por fiyansa, a sus ijos keridos.
Vozotros vitesh muy byen disho el Kriyador. Lo ke ize por vozotros a los Ejipyanos, i komo vos trushe asta aki. Kon muncha siguridad komo sovre alas de agilas. I agora si vozotros keresh ovedeser mis ordenes i konservar mi firmamyento kon vozotros, de ser mi puevlo fidel vozotros seresh muy keridos. Ma akondisyon ke devesh de ser una nasyon de Koanim. Sirvitores del Dyo i un puevlo santo. Sintyendo estas palavras el puevlo, de boka de Moshe Rabenu respondyeron todos a unos. Kon el mas grande entusyazmo. Todo lo ke nos enkomenda el Kriyador va mos a ovedeser.
Moshe Rabenu aze saver al puevlo la veluntad del Kriyador ke kere apareser su onra delantre de todo el puevlo. En el Monte de Sinay i darles su ley de su boka. I ke es menester ke se santifiken.
El puevlo se syenten muy venturozos de esta favor del Kriyador se lavan.
Amanesyendo el diya de 6 Sivan se enpeso a sintir unas bozes estremesivles de Truelos i relampagos, i una boz de şofar muy temeroza una nuve Kuvriya al Monte i todo el puevlo se estremesyeron.
Despues de esto Moshe Rabenu los izo rangos rangos a los pyes de
Estonses oyo todo el puevlo una boz muy temeroza afuera de la natura. Ke se sintiyo de la punta del monte ke enkomendava a el puevlo de Israel los dyes mandamyentas Aseret adiberot los kualos son las bazas de nuestra santa relijyon.
