Los ermanos de Binyamin, partekularmente Yeuda, ke fue fiyansa por Binyamin a su padre, no lo puediya de?ar a Binyamin por esklavo en tyeras ajenas.
Amostraron a Yosef sus ermano sus valor i sus baraganiya. Yeuda se mete a konvenser kon Yosef, kon buenos. Le da a entender ke es enposivle de de?arlo a Binyamin ai.
Alora, se konvensyo byen Yosef ke sus ermanos verdadmente se vana entregar a la muerte por uno de eyos. Esto demostra. Ke ya se tuvyeron repintido de lo ke izyeron kon el, i no puedyendo mas suportar, se dyo a kanoser a sus ermanos kon muncha fineza, i se abrasaron i yoraron, de parte i parte. Al punto tuvo dvizo de esto paro i todos los grandes personajes del Polasyo.
Se gustaron muncho todos sintyendo ke Yosef sus podestador, i rijidor apartentya a una famiya la mas onorado del mundo, i no era un ombre perdido i esklavo, sigun pensavan asta agora.
Yosef les dyo regalos a todos sus ermanos para toda la famiya. Kon orden de Paro mondo a sus ermanos. Kon karosas del palasyo onde Yaakov su padre por azerlo venir a misrayim. Para ke biva el resto de su vida kon repozo alado de su ijo Yosef.
Los ermanos de Yosef sin perdier tyempo se fueron todos a una muy alegres onde Yaakov sus padre. Sigun les enkomendo Yosef sus ermado de no darle avizo a Yaakov al punto, porke no le akontesyera un dezastre de la alegriya, i se la di?eron a SERAH la entenada de A?er. Eya kon su entelijensa, se lo arizara a Yaakov de bueno manera. Ansi tuvo avizo por boka de Sarah ke Yosef esta bivo i ke el es el podestador del Ejipto. Yaakov no kijo kreyer a estas palavras.
Vyendo las karosas i los regalos ke le mando su ijo, se konvensyo por siguro ke es verdad lo ke le dizen. Se arebivyo su korason, se incho de alegriya Yaakov Avinu se determino de ir a misrayim verlo a Yosef, su entisyon era de tornar atras a la tyera de Kenaan. Yaakov Avinu sole de la tyera de Kenaan I se va kon toda su famiya a Misrayim Yosef se Ronkontra kon su padre, se bezan I se abrasan i yoran de alegriya. Kon orden de Yosef los izo. Morar a su famiya en tyera de GOŞEN.
