Kuando eskuçareş a la boz de Ad…… tu Dyo, para guadrar sus enkomendansas, i sus fueros eskritos en este livro de la ley, kuando tornaras a Ad….. tu Dyo kon todo tu korason I kon toda tu alma.
Estos pesukim enteresante meldamos en las perasiyot de esta semanana.
Ansi dize el savyo Hafets Hayim en su livro Torat abayit solamente kuando nos vamos a enforteser por tornar a Dyos Kon todo muestro korason vamos a tener el merito de afirmar las enkomendansas de la Tora. El ovligo de tornar en teşuva, sovre todo en el mez de elul, ke mos topamos, tambien ke estamos aserkandomos a el anyo nuevo ya es savido por todos ke devemos de apresurar a deşar nuestras eças non buenas. Ma malorozamente el yetser ara el apitete el malo de la persona le mete delantre del ombre entronpesos i no lo deşa pensar a endereçar su kamino non dereço. Malgrado todo esto, si viniya una profeta i nos diziya: Mirad: Ke vaza salir kulpozos en el cuzgo, enfrente del şemyitberah, estamos siguros ke devista tornavamos en teşuva. E. bien porke esperamos a la profeta ke venga a korijarmos, ya estamos muy siguros ke ninguna persona no esta korekta verso el kriyador. La repuesta ke pensamos a dar entre nozotros sera ke no tenemos tyempo de pensar, ma tenemos la esperansa ke un diya vamos a despertar a muestros korasones a aserkarmos a el Şemyitbarah.
Sovre este pensamyento semejante, dişeron muestros savyos en los perakim: Sino agora ke esto bivo ke devo azer, kuando? I tambien dizen muestos savyos en pirke avot: no digas kundo va tener tyempo vo estudyar, es posivle ke no tendras tyempo. Kuantos yom Akipurim pasimos ke rogimos a el todo potente. Vidas largas kon sanedad a mozotros a muestras famiyas, despertimos muestros korasones por endereçar muestras eças es ke fuimos senseros en muestras desisyones? Si es ansi komo nos permetimos mosotros mismo ke a el avenir vamos a endereçar muestras eças?
Dunke devemos venser a el yetser ara era a el apetite molo, i aserkarmos a el yetser atov a el apetite bueno des partar muestras korasones i tornar en teşuva kon todo muestro korason i kon toda nuestra alma komo esta eskrito en la peraşa de esta semana ki taşuv el Ad….. elokeha behol levaveha uvhol nafşeha. Porke vas a tornar a Ad … tu Dyo Kon todo tu korason i kon toda tu alma. Devemos de pensar kualos son los enkonvenyentes ke nostan deranjando a ser korektos enfrente de dyos I la cente. Se deve la persona de tirarse i anular estos enkonvenyentes. De darse un orden en su vida.
Tambien kontenua en la Tora, en el paragrafo de la peraşa Nitsavim: Por ke esta en komendansa, ke yo, te enkomendo oy no es enkuvyerto de ti, ni esta leşos.
No esta en los syelos ke es muy difisil de alkansarla ni enel bodre de la mar ke es difisil di pueder toparle sino ke esta muy serka de ti en tu boka i en tu korasan estos todos biervos es por la Teşuva ke fueron denusyados. El Şem yitbarah ama la custisya, el dezea la teşuva ke vamos a azer mozotros. El esprito de la teşuva esta muy bien explikado en pirke avot: Rabi Tarfon dizia:
El diya (La vida) es kurto, el lavoro es munço (La misya de el ombre) los lavorantes neglijan i la paga es grande, i el patron (el Kriyador) demanda kuento.
Tendremos merito de deşar nuestros defektos i entrar a el anyo nuevo kon meresimyentos i ke enpese el anyo nuevo kon sus bendisyones. TAHEL ŞANA UVİRHOTEA – ŞANA TOVA UMTUKA.
