Moşe Rabenu sirvyendoshe de la Sara ke le apronto, el Kriyador en el Monte de Horev por ke aga kon eya todos los sinyales i maraviyas, entro al palasyo. Topandose Moşe i Aaron delantre de Paro, le avizoron el Komando del Kriyador de dar la libertad a los ijos de Yisrael.
Paro no tomo en konsiderasyon estas palavras, ke le avlaron Moşe i Aaron. A la kontra Paro izo apezgar el yugo de su sirvisyo sovre el puevlo cudyo kon una krueldad.
Pasando un syerto tyempo, se prezentaron otra vez Moşe i Aaron onde Paro. Por darsen a konoser kon el, ke son embiados mandados de parte del Kriyador.
Paro no ovedesyo el komando de Dyos, i suporto por no dar la libertad a los cudyos. Al kavo fue ovligado de mandar a los is osde İsrael de su tyera.
Sigun meldamos en la Tora en entervalo de un anyo, mando el Kriyador mando el dyez yegas una maz fuerte de otra. Todos las aguas de Rio Nilos devinyeron sangre i muryeron. Los peshkados de el Rio. Se muchiguara en el rio las ranas i kavzaron muncho danyo en el tyera. Las piojos danyaron la tyera. Animales donjerozos kevrantaron a los Ejipsyanos. La muertaldad de las kuatropeas los deskorajo muncho a el puevlo de Mistrayim. Ansi se kompleto las yegas ke truşo el Kriyador a Mistrayim. La sarna i las langostas deranjaron muncho a eyos.
Las maraviyas i los miraglos ke izo el Kriyador en el Ejipto fu por dar a saver a el mundo su egzistensya. En una de los versetos de la perasha es dicho i yo enduresere el korason de Paro i muchizuare mis sinyales i mis maraviyas en la tyera de Ayifto. El Gaon R. Y. Levinştayn en una de sus avlas kon sus elevos estava tratando sovre la salidura de Mistrayim, ekspiko dizyendo. La salidura de Ayifto yeva el eskopo i el enpesijo de pueder entender las maraviyas de el Kriyador. Komo esta dicho en los dyes komandamyentos. “Yo so el Kriyador ke te kito de el Ejipto” Ansi entendemos la egzistensya de Dyos en el mundo.
