Despues de la enkomendansa de la sirkonsizyon ke afirmo Avraam Avinu, en el treser diya ke esteva Avraam Avinu, muy doloryozo, sele aporesyo el Kriyador i la afalago. Avraam Avinu also sus ojos i vido tres personas ke estan vinyendo verso el. Tomo permisyon de el Kriyador, i los resivyo kon muncha ardor. La verdad era ke estas personas eran anjelos enforma de ombres. Ke Kada uno i uno teniyan su misyon, de dor la nuvela ke Avraam muestro padre va tener un ijo de sara su mujer el segundo de milisinar a Avraam de las dolores de la sirkonsizyon, i el treser de avizarle a Avraam Avinu la destruyisyon de las sivdades de Sedom i Amora ke los moradores de estas sivdades eran malos i pekadores.
Avraam Avinu les izo un pranso exelante a los ospedes.
Kuando sintyo Avraam Avinu el danyo ke va vinir a estas sivdades.
Demanda piadades de el sinyor de el mundo dizyendo: Si egziste sinkuenta buenas personas, vaza destruir las sivdades. Ma ve avraam Avinu Afilu dyez personas custas no egzistiya.
Aki vemos el karakter ekselente de Avraam nuestro padre ke karar amova i estimava a la hu manidad. no pensava solamente a si mismo. Este okto lo vemos i en los relasyones ke teniya kon su sovrino lot, i kon todo la cente de su epoka. Ke fue un model para todo la cente i para todos las epokas.
Nosotros desendyentes de Avraam Avinu devemos aleşarmos del egoismo, i pensar i ayudar a la humanidad. Avraam Avinu fue nombrado “AVRAAM İŞ AHESE” persona de las buendades. Ansi deve mos ser todos nozotros.
