Kuando salyeres a la gera kontra tus enimigos, el Kriyador los entregara en tu mano.
Rabenu Bahye en su livro Hovat alevavot konta dizyendo: Un haham vido soldados ke estavan tornando de la gera, boraços de la viktorya ke ganaron, i glorefikandosen kon grandeza. El haham les dize: Porke estaş muy alegres i gustozas? La gera ke ganates es una gera çika i muy facil. La gera ke vaja enpesar agora es muy grande i dificil. Venser otras personas es muy facil, ma la persona ke puede venserse a si mismo es el barag.
De este çiko pasaje entendemos ke la peraşa. Ki tetse no esta tratando solamente de la gera ke se aze entre los puevlos sino ke la gera ke gereyamos kada ora i punto kon muestro apetite el malo i los sintimyentos non buenos. La gera ke se aze kon las enimigos es por arezyar el estedo, i la libertad. Kontra esto la gera ke se aze kontra muerte apetite el malo, es por muestra buendad partikular es por la buendad de pueded afirmar las enkormendansos verso el Kriyador. El Kriyador mas prometyo dizyendo komo vos konportas kon mi i yo me vo konpotar kon vosoztros. Komo esta diço enel verseto de la peraşa kuando vaza solir a la peleya el Kriyador de dara a el enimigo en tu mano. Ma kon una kondisyon si tu puedes venser a tu apetite. Estonses vaza salir a la peleya, i vas a tornar a tu morada en pas.
La ünyon de la nasyon, es muy enportante, para la egzistensya de el puevlo. Komo el peşkado no puede bivir sin agua. El bivo no puede egzistir sin respirar. Ansi sin tener ünyon no puede egzistir un puevlo. El puevlo deve de estar aunada komo un kuerpo i una alma. Estonses prospera i adelanta. Entre la cente deve de reynar pas i verdad amor i ermandad.
En kuatro peraşiyot en la tora, se trata el sujeto de la peleya. Prima, kuando vasa salir a la peleya i vas a ver kavayas i armas, i puevlo munço no te espantes por ke el Kriyador esta syempre kon ti segundamente, devemos de guadrar muestra olma en la gera cunto, las almas de los enimigos, i por esto dize en la tora vaza apregonar la pas treseromente, no solamente te var a apiadar de las personas sino de los arvolesde fruto, porke es el mantenimyeto de el ombre no puedes danyar ningun arvol de fruto. Kuatro: Deves de konpartante kon custisya.
En estos diyas de piadades. Ke nos topamos en el mez de elul miraremos i azeremos esforsas a venser a nuestros sintimyentos non buenos. Kono seremos nuestros defektos i los deşaremos.
Le dişeron los elevos a un sinyor hahah nombrado R. Naftali: Sinyor ke nos de un konsejo bueno keneseyamos preados debaşo de nuestro apetite el malo. El Rabi les responde dizyendo: Yo esto siguro ke el apetite malo no va presigir a vosotros, todo tyempo ke vosotros no andaş detras de vuestro apetite el malo.
De este dialogo puedemos entender, ke todo esta dekolgado en la veluntad de el ombre. Nozotros si eçamos un paso dereço el Kriyador nos ayuda a kompletar i a azer lo bueno. Komo esta diço: Vosotros avrime un burako de alguja, yos vos vo avrir a vosotros puerta de palasya dize el santo bendiço el.
La perasha de la semana pasada
Şofetim
En el oltimo Kapitolo de la peraşa ?ofetim meldamos el sujeto: Kuando fue topado en la tyera ke tu Dyos te da para eredorla, algun matado eçado en el kampo, i no se supo ke lo firyo, Estonses saldran tus vyejos i tus cuezes, i sera ke la sivdad ke esta mas serkana a el matoda, Los vyejos de akea sivdad tomaron una bezera de las vokas. Los vyejos de akeya sivdad abaşaran la bezera a un vaye. Se ayegaran los koanim porke a eyos eskojo el Kriyador para sirvirlo. ‹ bendizir en nombre de Dyos, todos los vyejos de akeya sivdad, ke estan mas serkanos al matado, lavaran sus manos sovre la bezera en el vaye. İ responderan i diran nuestras manos no vertyeron esta angre i nuestros ojos no vyeron. Afalagate kon tu puevlo Yisrael, al kual rihmites no akulpes sangre inosente tu puevlo ‹srael la sangre la sera perdonada.
İ tu perdonaras la kulpa de sangre inosente de en medyo de ti, kuando oras lo dereço en ojos de Dyos.
Enfrente un kvzo semejante los vyejos de ‹srael estan denusyando nuestras manos no vertyeron esta sangre, puedemos pensar ke eyos mataron alguna persona? Sino ke no seya ke tala persona vino a nuestro sivdad i lo deşimos anbyerto i kavzimos la muerte.
Si lo manteniyamos i lo obrigavamos no i vamos a kavzar la muerte.
En este kavzo vemos la grandeza de la teşuva del arepintimyento. Yermiyau el profeta en su livro dize: A ti te vo cuzgar porke dizes no peki. Kuando la persona aksepta su pekado siguramente i no lo repeta es perdonado.
La perdonansa esta dekolgada en konoser la persona sus defektos. En el kavzo de la peraşa, puede pensar, la persona, puede ser ke muryo tala persona una muerte natural, o fue matado de parte un ajeno. Sino ke la tor enkomendo de azer esta seremoniya para despertar akel korason ke peko i tyene menester de pardonarse.
La Tora nos enbeza: En otorgando muestros defektos (Viduy) devemos de denusyorlos i kon muestro korason por este en diya de Kipur dizimos: Sovre el pekado ke azemos viduy ke otorgamos solamente. Kon la boka i nuestre korason no kon nozotros.
AL HET ŞEHATANU BEVİDUY PE. El Kriyador es piadozo i grasyozo si amostramos buena veluntad el nos perdona i nos apiada.
