Despues de la muerte de Metuşelah enkomendo el Kriyador a Noah, ke izyera una arka, por kavza de la deluvyo (mabul) ke iva traer a el mundo. I ke tome a la arka, dos pares de kada jenero de todos las kriyansas bivas i de las kuatropeas limpyas, a syete pares de kada jenero.
Noah izo el komando de el Kriyador. Enpeso el deluvyo kon furtuna i relampagos. Malgrado todo esto, el puevlo ne pensaron a tornar i repintirsen de sus negros kaminos.
El syeten diya el 17 de Heshvan entre Noah i sus ijos i su mujer a la arka por entero i enpeso el deluvyo fuerte ke se avyeron los syelos i los alizmo de la tyera.
Estonses se rekojeron a el deredor de la arka, por entrar adyentro, ma, el deluvyo se mayargo i se deperdyere todos.
En este mismo diya, enpeso a kayer la luvya de los syelos i suvir las aguas del abizmo i kontuneo ansi 40 diyas i kuarenta noches. Asta ke suvyeron las aguas 15 pikos mas ariva de los puntos de las mantanyas las mas altaz. La arka iva nadando en la agua komo una nave en la mar fuerte.
150 diyas, kere dizir, dizde el enpesijo del deluvyo, fin el 17 Nisan, no se vido ningun sinyal de tyero en el mundo. Ke todo era kuvrido en la agua. En el 17 Nisan se rekorde el Kriyador de Noah, i de todo lo ke teniya kon el en la arka, i menguaron las aguas, i pozo la arka en una de las montanyas, de Ararat.
Dizde este diya endelantre, iva kada diya menguano las aguas fin el primer diya de Tamuz, ke abasho muncho la arka i se viyon las puntos de las montanyas.
Pasando otros 40 diyas ke es el 10 de Av, avryo Noah la ventana de la arka i vyendo ke ya minguo muncho la agua mando a el kuerbo (Karga) afuera de la arka.
Despues de 7 diyas ke es el 17 Av, mando Noah a la polomba por ver si se seko la tyerra. Syendo no topo luguar para repozarse torno a la arka i lo tomo Noah ardiento.
Pasando otros 7 diyas, ke es el 24 Av, mando otra vez a la palomba, oras de tadre torno onde el kon una oja freska de zetuna en su boka.
Despues de 7 diyas ke es el 1 Elul mando una otra vez a la palomba i no torno maz onde el.
En el primer diya de este anyo se enshuguaron las aguas de la tyerra el 27 Heshvan es seko entramente la tyera i torno a su seer.
Kon el orden del Kriyador salyo Noah de la arka, el i su famiya i todo lo ke aviyo adriento.
Salyendo Noah de la arka fraguo un Mizbeah a nombre del Kriyador. Ayego ai Korban. En sinyal de agradesimyento el Kriyador por lo ke lo eskapo a el i a toda su famiya.
El Kriyador resivyo kon plazer el rekonosimyento de Noah, i prometyo, ke por endelantre a un ke es enposivle sin aver pekadores en el mundo. Ke la natura de la persona es negra dizde su nasimyento. Kon todo no va destruir mas la tyera entro por los pekados de la cente. El Kriyador lo bendisho a Noah i le enkomendo ke muchiguen i ke inchan la tyero de cente.
