Es ansi del djudyo, syempre sospechozo i sovre todo syempre pronto a kontradezir lo ke dize el otro. Esto se refleta en la avla de kada dia kon sus dichas populares:
El uno dize “El dinero para el dia negro”, el otro responde “Ken muncho guadra, para otro guadra”.
***
“Guadra en la manseves para toparlo en la vejes” / “Pensando a la vejes, no se goza la manseves”.
***
“El ke del Dyo demanda poko, es loko”/ “El ke bushka muncho pyedre i lo poko”
“Karas vemos korasones no konosemos”/ “El mal i el byen en la kara se ven”.
***
“De la manyana se ve el buen dia./ No avles mal del dia si no ves el medyodia”
***
“Kaveyos largos, meoyo kurto”/ “El ke no oye a su mujerika, se trava la orejika”.
ets...ets...
