El Kriyador le dyo grande enportansa a el ombre ke Kriyo. Lo tomo kon palavras dulses por darle luguar en el paradiso. Komo lo meldamos en la lektura de la Tora, i tomo el Kriyador a el ombre i lo pozo en ganeden. A ken prometen el paradizo i lo refuza?
Pero, en el primer ombre vemos la kontra, ke no kijo entrar a el paradizo, i lo tomo el Kriyador i le avlo palavras ke le va entrar en su korason komo lo meldamos en la Tora “Vayikah” i lo tomo Raşi eksplika el biervo Vayikah. La tomo, lo tomo kon palavras dulses. Antes ke kometyo “Adam Arişon” el primer ombre el primer ombre el pekado de komer el fruto defendido, teniya grande valor vizavi el Kriyador su luguar era en ganeden en el paradizo, i igual a los anjeles. El ombre era grande i no posedava el apetile malo “Yetser ara”. Ma, despues ke kometyo el pekado abasho de su valor, i el Yetser ara, el apetite malo entro en su korason. Sigun la eksplika Raşi, despues ke komyo el fruto defendido de komer, el Yetser ara se apatrono de el. Kuando abasho de su valor el ombre fue permetido a el de Komer produktos de lo tyera, “Esev asade” I en le epoka de Noah fueron permetidos de komer karne.
El Yetser ara, el apetite molo, syempre lo entrompese a el ombre. Kayin ke kometyo el pekado grande de matar a su ermano es el, onde se iva se estrmesiya la tyera, i las kriyansas dizian tirodvoz de aki este es el ke mato a su ermano. Ken eran estos Kriyansas? No aviya en el mundo mas ke Adam i Hava. La Kuatropea lo afeyaron a Kayin por kavzo ke kometyo este pekado grande.
El Kriyador ke nos ayude syempre de pueder venser a nuestro apetite el malo nos enforteseremos en el afirmamyento de la Tora las enkomendansas de la Tora i el Şem Yitbarah ke nos ayude syempre.
