Arivando Avraam a Beer Şeva, i sintyeno la muerte de su mujer en Hevron, se va a Hevron por yorarla i endecharla i mirarle su rijo. I syendo savia Avraam ke en este luguar la meara “MEARAT AMAHPELA” el luguar onde estan enterados Adam Arişon i Hava su mujer, se kijo azer patron de este luguar, i apropyarselo por luguar de entramyento para el i su famiya.
Entonses, los patrones de este luguar eran los ijos de Het de la familya de Kenaan. Sovre esto se aderesa Avraam onde el kapo de eyos un syerto nombrado EFRON por tratar sovre esto.
Efron seya ke kijo azerle una buendad, le dize a Avraam ke se emposese de la meara sin ninguna paga. Avraam refuza de resivir este regalo i la merka la dicha meara kon 400 kintales de plata fina, delantre de todos los personajes de la sivdad.
Despues de esto, entero Avraam a su kerida mujer Sara en esta mear kon grande onor. I asistyeron a sus funerayes todos los grandes persona, jes de akel tyempo.
Pasando 7 diyas de dolyo mando Avraam a su kerida mujer Sara en esta meara kon grande onor, i asistyeron a sus funerayes todos los grandes personajes de akel tyempo.
Pasando 7 diyas de dolyo mando Avraam a su ijo Yitshak onde Shem i Ever por ke deprenda ley i sensya i estuvo ai trez anyos. I Avraam se torno a Beer Sheva.
Despues de unos kuantos diyas, muryo Avimeleh Rey de Gerar a la edad de 103 anyos i fue Avraam akompanyado de muncha cente a Gerar por konortar a la famiya i delantre de el enreynaron a su ijo en su luguar i lo nombraron Avimeleh sigun uzo de el pais i torno Avraam a Beer Şeva.
Kuando se izo Yitshak de 40 anyos, yamo Avraam a Eliezer su esklavo fidel i kapo de su kaza i le enkomendo ke fuera a tyera de Aram naarayim onde moran la familya de su padre i ke le tome de ai un mujer para su ijo Yitshak i lo akovido bastante de no tomarle mujer de la familya de los Kenaanim donde el mora entre eyos. Entonses Avraam teniya 140 anyos. Eliezer sin perder tyempo izo sus aparejos i partyo para Aram Naarayim a la sivdad ke morava Nahor ermano de Avraam. El Kriyador le ayudo a Eliezer, estuvo en su favor por amor de Avraam i Yitshak, i arivando a Haran topo sovre la fuente ke aviya en la puerta de la sivdad a la ninya Rivka ija de Betuel iniyeta de Nahor. Indo a kaza se dyo konoser ken era el, i ke era su misyon kon su kontentes la mandaron kon Eliezer. Yitshak resivyo a Rivka i vyendo su buena natura i sus buenos ovras, la yevo a la tyenda de su madre i la tomo por mujer.
