Yaakov Avinu mando mesajeros onde Esav su ermano en unas palavras muy tyernas i umiyantes, dandole saver las fuertes fatigas ke tuvo en sus 20 anyos i servisyo onde Lavan, i ke agora lo engrasyo el Kriyador i es patron de Kualker Koza, le rogo. Ke se olvide todo lo pasado ke seya su amigo por endelantre, komo ertas palavras ke azen ablandor el korason mas duro.
Los mesajeros izyeron el komando de Yaakov, fueron a punto onde Esav i dişeron las palavras de Yaakov. Esav no kijo sus palavras, se ensanyo mas munço kon su ermano.
Sintyendo Yaakov esto, se apronto para todo, enprimero rogo al Kriyador ke este en su ayudo sigun se prometo, ke lo eskape de Esav su ermano. Despues devizo todo su fonsado en dos partez i aparejo un prezente grande de ovejas i kuatropeas por darle a su ermano. Lo reglo de buena manera a ke se le inçira el ojo de Esav. A medya noçe izo pasar todo su fonsadoa la otra parte del riyo, i la manyana kontenuo i kamino.
Serka el medyo diya, ve Yaakov de enfrente a Esav Kon su Konpanya ke vyenen a su enkontro. Alora se apresuro Yaakov i paso delantre todo su fonsodo i se enkorvo delantre su ermano kon munço respekto i başeza de esprito.
Entonses se troko la entisyon de Esav i se ablando su korason, i koryo ol enkontro de Yaakov lo abraso i lo bezo i yoraron de alegriya i le enprezento Yaakov. Todo akel dono ke aparejo para el, i a toda su konpanya les dyo munços regalas de plata i aro i en akel mismo diya se torno Esav a su kamino a Seir i Yaakov kontuneo su kamino para la tyerra de Kenaan. Arivo a el luguar nombrado Sukot ke es serka del Yarden i fraguo ayi kaza para morar i luguares para Ganado.
