Kuando eskuchares a la boz de Ad.. Du Dyo para guadrar sus enkomendansas, i sus fueros eskritos en este livro de la ley; kuando tornaras a tu Dyo kon todo tu korason i kon todo tu alma. Estos versetos meldimos en las peraşiyat de esta semana.
El savyo Hafets Hayim en su livro ‘Torat Abayit’ dize: Kuando nos vamos a enforteser por tornar al Dyo Santo, kon toda nuestro korason, i kon toda nuestro alma, vamos a tener el merito de afirmar las enkomendansas de la Tora. El ovligo de tornar en teşuva, sovre todo en el mez de Elul,ke nos topamos, tambien ke estamos aser kando mas a el anyo nuevo, ya es savido muy bueno, ke devemos de apresurar, de deşar nuestras defektos. Ma malorozamente el apetite malo doza delantre de nozotros entronpesos, i no mos desha pensar a endereçar nuestros kareras. Malgrado todo si viniya una profeta i nos diziya, mirad! Vaja salir kulpozos en el cuzga enfrente el Kriyador, estamos siguros devistar ke ivamos a tornar en teşuva. E bien por ke razon esperamos a la profeta, estamos muy siguros ke ninguna persona no esta korekto verso el kriyador. La repuesta ke pensamos de dar es tenemos la esperansa ke un diya vamos a afirmar la enkomendansa de la teşuva komo esta eskrito en la peraşa.
No esta leshas de ti, no esta en las syelos, ke es muy difisil de alkansarla, ni en el bodre de la mar ke es difisil de toparla, si no ke esta muy serka de ti, eya esta en tu boka i en tu korason.
Dunke, si no agora kuando?
Si dimos kuando tengo tyempo; puede ser no puedemos topar el tyempo, ansi es dicho en Pirke Avot.
El Kriyador ke nos de el merito de tornar en teşuva, i deşar nuestros defektos.
Elshem Yitbarah ke nos de una aynada buena i dulse. Ke enpese el anyo nuevo kon sus bendisyones del presipyo de el anyo asta el kavo de el anyo.
