Moşe Rabenu suvyo a la punta del monte de Sinay. El puevlo lo estavan asperando, la ora kel va tornar, syendo no les avizo la tornada kuando va ser. Moshe Rabenu estuvo en el monte de Sinay 40 diyas. El kuaranten diya era el 17 de el mez de Tamuz. El puevlo se despero i les paresyo ke Moşe Rabenu muryo, syendo no tomo kon el ninguna koza de mantenimyento i viyan ke no abashava la magna kada diya en el monte de Sinay. Sovre esto se rekojeron todos i vinyeron delantre de Aaron Akoen dizyendole ke les aga un dyo, para ke kamine delantre de eyos. Syendo Moshe Rabenu el ke los kito del Ejipto, no saven ke es de el, le akonteseriya algun dezastre.
Aaron Akoen ermano de Moshe Rabenu vyendo el estado de el puevlo i lo ke demandavan era enposivle de azerlo, kijo ganar tyempo, por ke el ya estava siguro ke Moshe Rabenu ya ve tornar dize ke traygan todos lo orejales de oro de sus mujeres i kreaturas.
Aaron Akoen penso ke las mujeres i las kreaturas no vana dar sus coyas. Ma la cente ajena ke eran auzados a la idolatriya no tadraron de dar sus coyas.
Aaron Akoen tomo el oro i lo metyo en el lumbre i salyo una forma de un bezero. La cente ke vyeron esta forma de el bezero, se fueron detras de sus vanas kreyansas.
Aaron Akoen vyendo este dezastre, kijo afalagar a el puevlo.
A la demanyana uvo un grande dezorden entre el puevlo. Moshe Rabenu i el Kriyador se ensonyaron a este estado de el puevlo.
Moshe Rabenu ke amava muncho a el puevlo Djudyo, roga a el Dyo Santo de repintirse de su ravya kon el puevlo Djudyo, por amor de Avraam, Yitshak i Yaakov. I tambyen ke no topen de avlar los puevlos ajenos. El Dyo Santo kon su buendad se arepyente de su ravya i perdona a el puevlo Djudyo.
