27 Ekim 2020 Salı 15:03

Una sivdad en Israel i momentos devastadores en esta sivdad ke es santa para los djudios

Metin DELEVİ Judeo-Espanyol 1549 görüntüleme
24 Ekim 2018 Çarşamba

Tzfat (Safed), es una sivdad en Izsrael en las kolinas de la Galile, i es konosida komo una de las kuatro sivdades santas de Israel, djuntos kon Tiberia, Hebron i, por seguro, Yerushalayim. Fue el lugar del renasimyento de los estudios mistikos de Kabala en el siglo XV, i fue el lugar de residensiya del Arizal, el rabino Yosef Karo, el rabino Shlomo Alkabetz, el autor de Lecha Dodi i de munchos otros savyos grandes de la Torah.

Munchos momentos istorikos fueron devastadores en Tzfat, ma tambien vido munchos rashes (terremotos). El 9 del mez de Heshvan, korrespondiente al 31 de octubre de 1759, afito un rash ke kaji  destruyo Tzfat.

Tzfat se topa serka de la faya ke pasa de la Mar Muerta (ölü deniz), una faya ke empesa desde el norte de la Mar Korolada, pasando por la vaye de Jordania en Israel, asta las montanyas Toros en el sud de Turkiya. El rash de Oktubre de 1759 se estimo en 6.6 en la skala de magnitud de onda, i kavzo un deslizamiyento (heyelan) masivo aryento de la sivdad konstruida al lado de una montanya. 140 judios muriyeron en el rash i 200 kazas fueron destruidas.  Empeso un exodo de Tzfat i kedaron solo 50 famiyas. En el senso de 1730 aviya 1800 residentes djudios en Tzfat. Un rash mas intenso en el 25 de Noviembre del mizmo anyo, destruyo todas las kazas en la vaye de Bekaa, al nordeste de Tzfat en el Líbano. De todas las sinagogas de Tzfat, solo la sinagoga de Alsheich rezistiyo al rash de 1759.

Los djudios relijyozos i hasídikos tornaron a Tzfat en 1764 para rekonstruir la vyeja sivdad santa. Otro rash, de una magnitud de 6.9, devasto Tzfat en el 1 de Enero de 1837. Una vez mas, la sinagoga de Alsheich no se afekto i mizmo, testigos (şahit)  afirmaron ke la pared del sud de la sinagoga de Abuhav, ande estava la Arka, no fue destruida.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR