24 Ekim 2020 Cumartesi 23:50

Sir Moses Montefiore, un filantropo, un ombre ke no se deve olvidar

Metin DELEVİ Judeo-Espanyol 1838 görüntüleme
31 Ekim 2018 Çarşamba

Sir Moses Montefiore (1784-1885) tuvo un impakto ekstraordinaryo en el mundo djudio.

Empesando una karyera en negosyos generales, Montefiore gano rapidamente una de las 12 lisanses de korredores permitidas a los djudios en la Bolsa de Londres. Kuando Montefiore se retiro del negosyo a los 40 anyos, ya era un ombre riko.

Los lavoros filantropikos de Moses Montefiore i su voluntad de dar un paso adelantre para defender a sus ermanos djudios le gano grande admirasyon i fama. Bushko la libertad de los djudios de la Siria, enkarselados en Damasko por un libelo de sangre i se fue a la Rusia para demandar al Tzar por la enduljensya enverso los judíos. Fue visto por los djudios del todo el mundo komo su protektor i líder de su tyempo.

Montefiore i su esposa, Judith, apoyaron las institusyones djudias i no djudias en la Inglaterra. En Ramsgate, ande biviyan, konstruyeron una sinagoga i una yeshiva sefaradí.

Montefiore es muy venerado por su lavoro de byenfetor en la tyerra de Israel, ke el personalmente vijito syete vezes. Ayudo a la industriya i a la edukasyon, ma tambyen bushko ke los djudios de Israel fueran mas autosufisyentes. Entre los lavoros de Montefiore, vemos el molino de viento en Yemin Moshe i el edifisyo en el doredor de Mishkenot Sha’ananim, unos de los edifisyos unikos ke se fraguaron akel tyempo a fuera de las paredes de la Sivdad Viyeja.

Djudio sefardí, la observasion de la ley djudia de Montefiore se konsolido kon su amor a la Tyerra de Israel. Era famozo kon sus viyajes en su fayton kon kavayos, kon su propya Tora i Shochet i por yevar sus propyos platos i komidas a los banketos.

Montefiore fue nominado “chevalier” por la reyna Victoria, fue el sherif de Londres i fue presidente (1835-74) de la Junta de Deputados de los djudios britanikos. En 1846, resivyo el titolo de Baron. Sir Moses Montefiore muryo unos pokos mezes de antes de kumplir sus 101 anyos.

Sir Moses Montefiore nasyo el 13 del mez de Cheshvan, ke koresponde al 28 de Octubre de 1784.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR