30 Kasım 2021 Salı 20:44

Borges I Su Poema “Momentos”

Dora TREVES Judeo-Espanyol 2973 görüntüleme
21 Kasım 2018 Çarşamba

La semana pasada enkontri un poema de Borges. Me plazyo muncho i me izo un poko de tristesa.

Jorge Luis Borges, el grande eskritor ke nasyo en Argentina en 1899, avlava munchas linguas. De su chikes ke era muy kuriyozo de ambezarse, de meldar, de eskrivir poemas, istoryikas chikas, eksperiensas, traduksyones. El fue profesor en munchas universidades en los Estados Unidos. Viyajo muncho i en la edad de 86 anyos muryo en Geneva. Aki vash a topar su muy renomada poema “Momentos”.

 

Momentos

Si puediya empesar la vida por de muevo,

En la sigiente, kereriya kometer mas erores.

No perkurariya de ser perfekto, me relaksariya mas.

Seriya mas torpe de lo ke fui

Kereriya azer muy pokas kozas kon seryozidad.

 

Limpyeza nunka seriya un problema.

Tomariya munchos mas riskos.

Kereriya viyajar muncho mas

I ver el el sol echarse kada noche,

Suveriya mas montanyas i nadariya mas en los riyos.

Kereriya viyajar a lugares nunka vistos.

Komeriya mas dondurmas ke avas.

Teneriya mas problemas reales ke imajinaryos.

 

Yo fui una de estas personas ke bivyo reelmente i prolifikamente (verimli) en kada momento de su vida.

Es siguro ke tuve momentos de alegriya, si puederiya aboltar atras tratariya de tener solamente momentos buenos.

No se si lo savesh ma de esto es echa la vida, solo de momentos,

No peryas el agora.

 

Yo era uno de estos ke nunka iva a dinguna parte sin un termometro, sin una buyot, sin un paraplui (şemsiye), sin una parakaida (paraşüt),

Si puederiya aboltar a bivir, viyajariya mas livyano.

Si puederiya aboltar, empesariya a kaminar deskalso en el empesijo de la primavera i kontinueriya ansi asta la fin del otonyo (sonbahar).

Deskuvreriya kaminos non savidos i djugariya mas kon ninyos

Si es ke tuvyera otra vez vida por delantre.

Ma ya estas vyendo, tengo 85 anyos i ya se ke esto serka de la muerte. 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental