27 Ekim 2021 Çarşamba 22:10
Op Dr Mücteba Gündüz

La Prezervasyon De La Muzıka Sefaradi: Konoseremos La Istoria De Una Mujer

Metin DELEVİ Judeo-Espanyol 1844 görüntüleme
30 Ocak 2019 Çarşamba

Rivka Amado nasyo en Holon, Israel, i paso la grande parte de su vida adulta en Yerushalayim antes de instalarse en Berkeley, California, en 2004. Eya remonta sus raizes a las prominentes famiyas sefaradis (Amado i Barbut), las dos partes de su famiya. Despues de la ekspulsyon de la Espanya, las dos famiyas finalmente yegaron a los Balkanes, ande se kedaron por jenerasyones.

La famiya de Rivka izo aliya en 1933. Se engrandesyo en un lugar ande se avla judeo-espanyol, en Holon, ande se ambezo melodiyas tradisyonales de su nona, Rivka Amado-Mandil.

Durante anyos, Rivka kanto kantikas en judeo-espanyol i tanyo el piano de manera informal, i tambien kanto en el koro de su sinagoga en Yerushalayim. Desde ke se instalo en Berkeley, dediko una grande parte de su tyempo a investigar la kultura sefaradí i a interpretar la muzika tradisyonal judeo-espanyola. Kon el ayudo del gitaristo Joel Siegel, aparejo un program: Un viyaje de retorno atras a la Espanya, ande se trata komo los djudios de la Espanya podyeron mantener sus identidades durante kinyentos anyos, muncho mas despues de la ekspulsyon de la Espanya i despues de toda la peninsula iberika. En este program, eya meskla faktos istorikos, relatos de la kultura sefaradí i kantikas populares en judeo-espanyol. Amado i Siegel salyeron a la shena en munchos lugares en la Bay Area de San Francisco i en otros lugares.

Este program es una meskla de las dos mitades de Rivka: su mitad muzikal i su mitad akademika. Obtuvo su doktorado en la Universidad de Toronto en 1990, obtuvo postos post-doctorales sovre la etika medikal en el Centro Hastings i en la Universidad Ebrea, i publiko numerosos artikolos sovre la etika medikal i sujetos semejantes. Tambien ensenyo en la Universidad de Tel Aviv, la Universidad de Bar Ilan, Stanford, Berkeley i Princeton, i resivyo varios premios por su lavoro. Rivka kontinua su trayekto akademiko i sus investigasyones sovre la muzika judeo-espanyol, tanto en los Estados Unidos komo en Israel.

En Marzo de 2009, kito su primer album, Ija Mia, una koleksyon de kantikas tradisyonales en judeo-espanyol, akompanyada por el maestro gitaristo Joel Siegel i un ensemble formado de muzisyenes de talento. Eya esta planeyando un segundo album ke kontyendra mas kantikas tradisyonales i kompozisyones orijinales en judeo-espanyol, ebreo i inglez.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental