30 Kasım 2021 Salı 21:13

Amigos

Dora TREVES Judeo-Espanyol 2314 görüntüleme
20 Şubat 2019 Çarşamba

La vida sin amigos es komo un sielo sin sol. Los amigos son la famiya ke eskojemos. Los amigos buenos son un trezoro ke devemos guadrar i protejar malgrado ke de ves en kuando los neglijamos. Si tyenes un amigo ke te aze riyir kuando tyenes ganas de yorar, tu sos el mas riko del mundo.

La semana pasada en el internet meldi una eskritura ke apartyene al savyo eskriven Muhyiddin Shekur. Este savyo es un Afro-Amerikano ke se konvertyo a la ley musulmana. Esto no mos emporta muncho. El fue terapisto de famiya, konsultor de edukasyon, fue profesor de psikolojiya i de mistisizmo en munchas universitades en Los Estados Unidos, en la Evropa, vijito muestro payis para dar konferensyas. Eskrivyo munchos livros donde el mas konosido se entitula “Eskrivir Ensima la Agua”. Oy en diya bive en Cleveland ande kontinua a eskrivir. Aki vash a topar unas kuantas de sus dichas sovre el amigavle i sovre los amigos.

La persona se engrandese i se enflorese sigun los amigos i sigun su deredor.

Ser amigo kon una persona es konfiyar su futuro en sus manos porke la kalidad de la vida de una persona es determinada por sus amigos. Si keres saver ken sos tu, kale mirar ken son tus amigos. La persona se aze amigo kon ken se akorda, kon ken se entyende i kon sus proprios iguales. Komo vemos ke kada pasharo ke bola kon sus espeses. Las agilas kon las agilas i las palomas kon las palomas.

La persona deve de ser amigo kon los amigos ke te apoyaran i te daran mano kon mano para realizar tus esperansas, tus esfuenyos i tus dezeyos i aparte de esto kon los ke te apresiyan, ke te elevan, ke miran a la mizma direksyon kon ti i ke tyenen mizma valor ke ti.

Mira ver de ser amigos kon la djente a ken poderiyas demandar konsejos. Porke los amigos verdaderos son akeyos ke se gustan de ver tu reushita i son la asurensya de la vida.

Azete amigo kon la persona ke keres asemejar i ser umano. La vida no es tanta barata para tener amigos yerrados. Azete amigo kon djente de korason limpyo.

Si kaminas kon djente yerrada i tu te yerras i pyedres la djustisya i tu kamino. Fidelidad se topa solo en la djente de korason i esprito noble. Aleshate de la persona ke no konose fidelidad. Aleshate de la persona ke no save rengrasyar en retorno de una buendad, i del ke no demanda diskulpas, ekskuzas sovre un yerro kometido. Porke este modo de djente son arogantes ke no se pueden enderechar.

Nunka des la mizma valor a la roza i a la espina.

Komo dize el famozo poeta İsmet Özel “topate amigos ke puederiyas espertar una noche de inyeve”.

Kuando estas kon una persona si no te da el korason de estar kon el, presto alesha te de akeya persona porke tu korason es la asurensya ke te dize ken es bueno u ken es malo.

Aparte de felisidad los amigos verdaderos dan repozo i trankilidad al korason.

Ken no save eskojer amigos es kondanado a kesharse toda la vida.

Ay syertos amigos ke te azen aserkar fin a la muerte i ay a ke te aleshan i te salvan de todo modo de mal.

Tenlo en tino ke; ken no es dinyo de ganyar tu konfiyensa, no es dinyo para tu amor. Konfiyensa vyene antes del amor. Para konfiyarse a una persona en primero de todo kale konoserlo muy bueno.

En avlando, todos son onestos, kompreansyozos, djenerozos, ayudozos, konsistentes, djustos ma antes de la avla kale mirar a su komporto.

La persona topa repozo kon amigos de buena kalidad, el kontraryo aflaka i enchikese el karakter de la persona.

Aleshate de la persona ke te ama solo por su entereso, porke kuando se eskapa el entereso i el amor se eskapa en supito.

Mira ver de azer amigavle kon la djente ke keres asemejar, porke ken se asenta kon meoyudos se alevanta meoyudo i ken se echa kon inyorente se alevanta inyorente.

En syertas linguas ay una dicha ke dize “Dime ken frekuentas te dizere ken sos tu”

I por eskapar vos oguro de tener “Amigos Para Syempre”.

I yo me konto muy mazaloza de tener esta manera de Amiga Para Syempre.

Al vermos kon sanedad.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental