24 Ekim 2020 Cumartesi 23:46

Los sientifikos de Israel ‘Imprimaron’ el primer korason 3D del mundo kon el tejido humano

Transladado del “Jerusalem Post” del 15 Avril 2019.

Metin DELEVİ Judeo-Espanyol 1736 görüntüleme
30 Nisan 2019 Salı

Un ekipo de investigadores de la Universidad de Tel Aviv anunsiyo el korason ke izyeron utilizando selulas i materiyales biolojikos propios del hazino: “imprimaron” el primer korason tridimensional vaskularizado.

Una semana antes, un ekipo de investigadores de la Universidad de Tel Aviv revelaron el korason, ke realizaron utilizando las selulas i el material biolójiko del hazino. Asta agora, los sientifikos aviyan imprimado korasones ma sin venas.

“Esta es la primera vez en el mundo ke se imprimo un korason kompleto utilizando selulas, venas, ventrikulos i diferente partes”, disho el Prof. Tal Dvir de la Eskola de Biolojía Selular Molekular de TAU i Bioteknolojia, Departamento de Siensya i Enjenieriya de Materiales, el sentro de Nanosiensya i Nanoteknolojiya i el Sentro Sagol de Bioteknolojiya Rejenerativa, ke fue el investigador prinsipal del estudio.

Kolaboraron kon el Profesor Assaf Shapira de la Fakultad de Siensyas de la Vida de TAU i kon Nadav Moor, un estudiante de doktorado. Su investigasyon fue publikado en el jurnal “Advanced Science”.

La infermedad kardiyaka es la prinsipal razon de muerte entre ombres i mujeres en los Estados Unidos. En Israel, es la segunda razon de muerte la mas grande (despues del kanser). En 2013, la infermedad kardiyaka represento al doredor del 16% del shifro total de muertes en Israel, segun el Ministerio de Salud.

El trasplanto de korason parese ser el uniko tratamiyento disponivle para los hazinos kon insufizyensia kardiyaka, esto es komo el ultimo remedyo. La lista de asperar para hazinos en la Evropa i los Estados Unidos es un minimum de sesh  mezes o mas. En Israel, en la Evropa i Estados Unidos munchos hazinos mueren en asperando una oportunidad de sovrebivyensa.

“Este korason esta echo de selulas umanas i materiales biolojikos spesífikos del hazino. En muestro proseso, estos materiales syerven komo tintas biolojikas, sostansyas echas de asukares i proteinas ke se pueden emplear para la impresion 3D de modeles de teshidos kompleksos”, ekspliko Dvir.

“En el pasado, syertos imprimaron en 3D la struktura de un korason, ma no kon selulas ni kon venas. “Muestros resultados amostran el potensiyel de muestra manera de lavoro para la enjenieria de reemplazo personalizado de teshidos i organos en el futuro”, disho.

En esta etapa, el korason 3-D produsido en TAU era para un taushan, ma los profesores disheron ke los korasones umanos mas grandes se podrían produsir uzando la mizma teknolojiya.

Para la investigasyon, se tomo una biopsiya de teshido de godrura de los hazinos, sigun un avizo. Se separaron los materyales selulares i a-selulares del teshido. Las selulas se reprogramaron para trokarsen en selulas madre pluripotentes ke podriyan diferensiyarse efikasamente en selulas kardiakas. La matriz ekstraselular (ECM), una red tridimensional de makromolekulas ekstraselulares, komo el kolajena i las glikoproteinas, se proseso en un hidrojel personalizado ke sirvyo komo “tinta” de impresyon. Las selulas diferensiyadas se mesklaron kon las tintas biolojikas i se pudieron utilizar para imprimir en 3D las diferentes partes del korason kompatibles kon el sistema imunitaryo, spesifiko al hazino, kon venas i despues un korason kompleto.

Sigun Dvir, el uzo de materiales “nativos” spesifikos al hazino es muy importante para produsir kon reushita teshidos i organos.

El paso de despues, disheron, es ensenyar a los korasones a komportarsen komo los korasones umanos. Primero, van a trasplantar en los animales i eventualmente en umanos. La esperanza es ke en los 10 anyos venideros, va aver impresores de organos en los mijores ospitales del mundo, i estos prosesos  se realizaran de forma rutina”, disho Dvir.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR