27 Ekim 2020 Salı 15:47

La isla espanyola de Mayorka se apareja para el mas grande evento djudio despues de sinko

Metin DELEVİ Judeo-Espanyol 2168 görüntüleme
29 Mayıs 2019 Çarşamba

El otro diya, bushkando novelas para eskrivir, vide un aviso interesante. Los djudios de la isla de Mayorka en Espanya se estan aparejando para una konferensya i reunyon de Limmud sovre los estudyos djudaikos, i los organizadores dizen ke esto sera el evento djudio el mas grande ke se va selebrar despues de munchos siglos. Este evento tuvo lugar el weekend pasado.

Kaji 150 personas, inkluidos 45 reprezentantes del estranjero, se eskrivyeron para asistir al segundo evento de Limmud en Mayorka, ke tuvo lugar al 12 de Mayo, segun Dani Rotstein, rezidente de Mallorca i uno de los fondadores de la konferensiya lokal de Limmud.

La asistensya se doblo desde la primera konferensiya de Limmud del anyo pasado, disho el Sinyor Rotstein.

Los partisipantes se reuniran en un memorial para las viktimas de la Enkizisyon i komemoraran a los syenes de personas ke sufriyeron de la Inkizisyon de la eglizya de Mayorka i en la kampanya kontra los djudios  dirijida por el governo espanyol ke empeso en 1492.

La persekusyon ke fue partikularmente brutal en Mayorka, rezulto en la kreasyon de un grupo ke fueron yamados “chuetas” o “marranos”. Orijinalmente djudios ke praktikavan sus djudaismo en sekreto durante la Enkizisyon, se konvirtyeron al katolisizmo, ma kedaron afuera de la sosyedad, fueron marjinalizados porke los otros katolikos no los akseptaron komo katolikos.

Biven kaji unos 20.000 chuetas en la isla de Mayorka. En los ultimos anyos, la mas grande parte de los chuetas tornaron al djudaismo i syertos afilu se konvirtyeron ofisyalmente al Djudaismo. El anyo pasado, dos chuetas fueron elijidos por primera vez a la direksiyon ke se kompoza de kuatro miembros de la komunidad djudia de Mayorka.

En el evento de Limmud va tener lugar orasyones en tres stilos diferentes: una ortodoksa sefaradi, una o dos orasyones sin spesifikasyon.

Tambiyen va aver una programa oryentado para los chikos, kon aproksimamente 20 partisipantes.

El evento “ayudara, esperamos, a fraguar una komunidad djudia freska i vibrante, ke va arekojer a los djudios del mundo entero”, disho el Sinyor Rotstein.

Va mirar de topar detalyos sovre este evenimyento, i si topo, penso partajarlos kon vozotros.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR