26 Ekim 2020 Pazartesi 16:17

Diya de falafel

Ke komida savroza es echo de garvansos molinados, syempre servido kon diferente salatas i se konose komo una alternativa mas sano a los mezés? Ya lo supitesh: es el Falafel.

Metin DELEVİ Judeo-Espanyol 1615 görüntüleme
26 Haziran 2019 Çarşamba

El 13 de Junio era el diya enternasyonal de falafel. Orozo Diya Enternasyonal de Falafel para los ke tyenen ambre i ke les plaze Falafel! Komo un “fan” de falafel meldi un poko sovre lo ke es el falafel.

Los istoryanos de la gastronomiya no estan seguros de los orijines del falafel. Munchos asosyan su empesijo kon los koptos (kristianos de Ejipto), se dize ke aze kaji dos mil anyos ke lo komyeron en lugar de karne durante el peryodo de tanit de antes la paskua. Otros lo avansaron esta data fin al tyempo de los faraones, una era muncho mas demprano. Algunos disheron ke el falafel fue enventado en la Asia oksidental, spesifikamente en la India, ande se uza una gastronomiya de frituras. Etimolojikamente, algunos mostraron la asosiyasyon de la palavra falafel kon el arameo / arabe / ebreo “pilpal” ke sinyifika una koza chika redonda, o un pedaso de pimyenta. El “pilpil” en persiya sinyifika pimyenta larga. Un diksyonaryo kopto sita la fraza “fa la fel”, ke sinyifika “tyene munchas fasulyas”. El diksyonaryo de inglez de Oxford metyo la palavra “falafel” por la primera vez en 1951.

Es difisil de identifikar la komida djudia o la muzika djudia, porke la mayoría de la komida i la muzika djudia fueron influansados por las kulturas de la diaspora ande bivyeron los djudios. Aunke el falafel es konsiderado komo la komida nasyonal de Israel (i del Ejipto), puedemos dizir ke provyene de la kultura gastronomika de los paizes del Medio Oriente ande bivyeron los djudios. Komo el falafel es bazado sovre plantas, se konsidera parve (ni karne, ni produkto de leche) en la ley djudia i se puede komer endjuntos kon kualker komida. Komo tal, ya se puede ser konsiderado komo un alimento nasyonal de una nasyon djudia!

En Estambol, syertos aprovaron de fabrikar el falafel ma no reusheron. Los restorantes de fast-food Kosher de Amerika del Norte sirvyeron falafel en su menu ay munchos anyos, ma desde la dekada de 1970, el falafel se izo konoser en Los Estados Unidos, prinsipalmente grasyas a la komersyalizasyon de la marka israeli Sabra, i se puede topar en los restoranes vejetarianos i afilu en la kaye en los vendedores ambulantes no solo en New York ma a nivel nasyonal. Durante el mizmo tyempo, el falafel tambyen se izo muy popular en la Alemanya, no solo en la komunidad arabo de Berlín, ma tambyen en la populasyon germaniko. En La Rue des Rosiers en Paris, devesh asperar un grande torno para gostar el falafel!

Komo se aze el falafel? Komo so zero en el mupak aparte de azer un omlet o un kafe le demandi a mi mujer!!!

Toma los garvansos krudos (si los kozes de antes se van espedasarsen) i deshalos aryento de la agua durante la noche. Algunos meten un poko de bikarbonato de soda en la agua. A la demanyana eskurelos i molina los garvansos djunto kon algunas espesyas (los mas populares son el prishil,  sevoya freska, ajo i kimyon). La meskla se forma en bolas i se friye en azete. Si se prefera, las bolas se pueden meter en el orno. Las bolas se meten jeneralamente en una pita, i se ajuta salatas, i garnitüres komo tehina o humus.

Bon Appetit i Be’teavon!

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR