Evenimintos Artistikos en İzmir – Antalya – İstanbul, Turkiya

EgzIbIsIones, Opera I Baleto en Aspendos

Esti SAUL Judeo-Espanyol
2 Ekim 2019 Çarşamba

PICASSO EN İZMİR

El artisto djenio del siglo XX prezenta sus performansas artistikas para los amantes de arte.

La egzibision “PICASSO THE ART OF SPECTACLE”

18 Septembre 2019 - 5 Enero 2020

Kurator: Jean-Luc Maeso

Direktrisa: Müjde Unustası

La Turkiya, ansi ke los payises ke tienen kostas en la Mar Mediterranea, partisipan al projekto “PICASSO-MEDITERRANNEE”.

La egzibision i 83 ovras de arte de las koleksiones de “PARIS PICASSO MUSEUM”, “LA FONDASION JULIO GONZALES”, “OPERA GARNIER” i “KONTAXOPULOS-PROKOPCHUK COLLEKTION” en Bruksel.

La egzibision no solo prezento pinturas, ma konsiste i depikta su “mundo de divertimiento”, eskulpturas, kostumes desinados i fotografias.

1 - Corrida la mort du Toreador

Pablo Picasso, 1979

2 - Arlequin dansant:

Pablo Picasso, 1979

 

 

OPERA i BALETO en ASPENDOS

El 26. Festival Internasional de Opera i Baleto se prezento en el teatro ansiano de 2000 anyos en Aspendos.

Organizado desde 1994 sin interupsion por el Ministerio de Kultura i Turismo, el evento kontinuo este anyo tambien entre 1-18 septembre en Antalya EXPO, i resivio su odiensa.

La aviertura del Festival empeso kon el tema folkloriko, el famozo opera de Bizet “Carmen”.

“Winds of Dance”, un show de National Honoured Academic Dance Ensemble of Ukraine, nomado Pavel Virsky, el tema folkloriko i moderno, koreografia “Swan Lake”, el famozo baleto klasiko de Tchaikovsky.

“Aida” de Verdi, el opera se pasa en el Ejipto ansiano, ke es la produksion la mas grande...

“Troya” de State Opera and Ballet General Directorate.

La seremonia tomo fin kon un gala i el oper-konserto del tenor Murat Karahan akompanyado por reputados solistos. 

La primera egzibision de fotografia de AYMY EMEL BENBASAT

La ekspozision “Mutluluk Yolu” tuvo su avyertura en “Rum Ortodoks Cemaati Kültür Vakfı” en 26/9/2019, en Galatasaray, Estambol.

Mos ofrese 18 fotografias interesantes. Su tema fue inspirado del livro “Mutluluk Yolu” de Muteber Yılmazcan.

Kerida amiga Emel, te felisito por tu performansa.

Esto konvensida ke tu dono artistika de sintir i ver lo agradavle va kontinuar a sorprendermos...

Espero para ti munchas otras ekspozisiones ke mos enkantaran...

Anyos de alegria.

SHANA TOVA.

Siz de yorumunuzu yapın

Tüm Yorumları Görün