24 Şubat 2021 Çarşamba 23:28
vakko
vakko

Una envansyon mueva ke va redusir el riziko del Coronavirus por el ekipo medikal Israelyano

Dora NİYEGO Judeo-Espanyol 3285 görüntüleme Sesli Dinle
22 Nisan 2020 Çarşamba

Yossi Wolf, un graduado de la Universidad de Tel Aviv kon el titolo de fizika, (agora es profesor en Technion) konstruizo un aparatus en la forma de un robot. Un diya ke se fue a ver su nono, vido ke su nono no estava puedyendo tener la tasa de te en las manos porke sus manos estavan tremblando. Mas despues, vido ke su nono tambien no estava puedyendo pizar los numeros del telefon. En este momento, Wolf desido de dedikar su vida a krear Temi para fasilitar la vida de su nono. En poko tyempo, Wolf arekojo alrededor $100 miliones para empesar i ekspandir su envansyon. Este instrumento agora es publiko i se puede merkar del Amazon por $ 2,000.

Temi, el aparatus artifisyalmente entelijente, esta tomando la temperatura del hazino i esta diagnozando algunos semptomas, ansi esta fasilitando el echo del ekipo de salud en los ospitales. El aparatus tyene una kamera ke esta permetyendo las personas diagnozar sus semptomas antes de desidar de ir al ospital.

Este enstrumento tyene tres metros de altura i esta puedyendo azer manevras enriva de sus ruedas. Grasyas a la kamera de dos direksyones, el aparatus esta permityendo los medikos vijitar los hazinos, tambien los keridos de los hazinos los estan puedyendo vijitar.

El instrumento se puede empleyar tambien para ayudar los elevos en karantina a estar en kontakto kon personas afuera de sus kazas.

Temi tyene munchos uzos: ayuda a las personas a estar serka de sus keridos mezmo en estando leshos, i  tambien puede lavorar komo asistente en ofisios i en magazenes chikos.

Por afirmar ke es uno de los mijores enventos de 2019, la revista Time disho: “Temi tambien esta puedyendo kopyar muzika, fotografeyar, djugar djugos i responder a kestyones. Ma su misyon la mas emportante es de ayudar a las personas a mantenersen konektadas”.

Temi puede transportar los materyales a los hazinos i de los hazinos atras al ekipo medikal i a los doktores. El robot se puede operar de leshos kon un joystick, ansi en estos diyas de koronavirus, el ekipo medikal va pueder minimizar el risko de ser enfektado por koronavirus. Mezmo estando leshos de los hazinos, el ekipo medikal va pueder suivar lo ke se esta pasando entre el robot i el hazino, en suivandolos de la kamera de video ke esta konektada al robot.

Las fonksyones del robot dainda estan en la faza de provar en los ospitales. Si la enstalasyon del robot en los opitales va reushir, i todo va ir bueno sin problema, Wolf esta pensando de konstruir munchos robotes por kada departamento de los opitales i en todos los opitales en Israel.

“En la sigunda etapa, vamos a adjustar un ekran al robot, un sistema de komunikasyon, una kamera, i un mikrofono. El robot va pueder kaminar de hazino en hazino, i va pueder transmeter enformasyon al personal medikal. Vamos mezmo adjustar sensores ke verifiken los pulsos i el nivel de oksijen en la sangre de los hazinos” esta dizyendo Wolf.

Buena reushita ke tengan i ke mos ayude en el mundo entero, a salvarmos del Coronavirus. 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU