18 Eylül 2021 Cumartesi 00:50
izmir marriot
izmir marriot

Kualo es muestro pasado?

Silvyo OVADYA Judeo-Espanyol 3459 görüntüleme Sesli Dinle
6 Mayıs 2020 Çarşamba

Si estash en kaza i si tenesh bastantes livros sovre la istorya de los Djudios Otomanos/Turkanos ya puedesh topar kada diya syenes de kozas ke no sintitesh en vuestra vida.

 Vos kero avlar de dos kozas. En primero sovre el Seminario Rabiniko ke fue fundado en el anyo 1898 en Hasköy aryentro de la Eskola de la Aliansa; edifisyo ke konosemos todos munchos anyos despues kuando se izo el “Moshav Zekenim” en los anyos 60. Este Seminario fue formado kon la ayuda de la Aliansa i kon el apoyo de todas las komunidades Djudias del Imperio Otomano. En esta epoka en el Imperio Otomano se topavan serka de 600.000 Djudios kon la Palestina, el Egipto, los Balkanes i Salonika, kon las tyerras Irakianas i Sirianas … Kon la direksiyon del famozo Rabino Abraham Danon. I el segundo Rabi era el Rabino Haim Nahoum, profesor de Talmud ke fue despues el Gran Rabino en el Imperio Otomano i despues en la Republika Turka. El segundo profesor era el Rabino Moise Sheres. El Rabino Sheres es muy emportante para mi. No se si es el mizmo o si es el padre? Porke es el ke me dyo lisyones antes de mi Bar Mitzva. El era el papu de la mujer de mi primo ke es mas aedado de mi. Era aedado ma no se ke edad teniya. Serka de ochenta … Era un buen rabino ma un organisador no muy reushido. Mi padre le disho en el empesijo ke devia de reservar la data para la Seremoniya de Shabat. I kuando le demando kualo es la data, una semana despues mos disho ke no aviya mas lugar en la Sinagoga de Şişli. Estamos avlando del anyo 1968 ande mas de 200 mansevos fiestavan sus Bar-Mitzvas diya de Shabat en la Sinagoga. I la sola seremoniya era el Tefilin diya de djueves. Ke su alma repose en Gan Eden. 

En el livro de Avram Galante esta eskrito ke este Seminaryo fue transferado a Kuzgundjuk ande la komunidad merko un edifisyo de dos etajes para el Seminaryo i para la Kaza del Direktor. Meldando esto empesi a demandar kualo izyeron esta kaza ke se topava en las alturas de Kuzguncouk kon una vista de mar maraviyoza. I estamos bushkando en las Kartas de Seguridad de Pervitich i en muestros arshivos este edifisyo!

   I bushkando otras kozas en el mizmo livro sovre las profesyones de los Djudios en Contantinopolis veygo ke kuando el Imperador Konstantin el Grande (306-337) estava reynando el Imperio Bizantino, los Djudios moravan esta sivdad 1750 anyos antes. I estos Djudios ke los yamamos Romanyotes tenian alkunyas ke tyenen raises gregas. Vos kero dizir unos kuantos de estos nombres de famiyas: Evlagon; Galico; Kalo; Kalomiti; Kapsali; Kosti; Pilosof; Politi; Stamati i Yani son unos kuantos. Oy en diya vemos ke en Estanbol ay famiyas ke tyenen estas alkunyas. En el livro ay syertos nombres ke fueron empleados komo nombres para los ombres i las mujeres ma kreo ke no se emplean mas. En este artikolo vos kero dizir ke kon estas indisyones la Istoria de los Djudios en la Anatolia empesa en el segundo siglo. I puedemos pretender la mizma koza para los Djudios ke bivyeron en Konstantinople.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel