26 Ekim 2020 Pazartesi 16:31

Los primeros djudios en Kanada

Metin DELEVİ Judeo-Espanyol 1398 görüntüleme
6 Mayıs 2020 Çarşamba

La Kanada es un pais ke me enteresa muncho, porke mi ijo, ay unos kuantos anyos, esta bivyendo aya.

Las primeras kolonias djudias en la rejyon agora konosida komo Quebec (la rejyon ke los Inglezes yamavan "Basho Kanada – Lower Canada") arivaron kon los soldados britanikos durante la "Gerra de los fransezes kontra los Indyanos" (1754-1763). (Mas antes, los djudios i otros no-katolikos no eran permitidos en la rejyon ke se yamava la Mueva Fransya, la grande parte de tyerra ke oy se yama Kanada).

Uno de los kuatro ofisyeres djudios de la armada britanika, el kapitan Aaron Hart (nasido en 1724, en Londra, Inglaterra) biviya en Nueva York. Despues de la gerra, Hart se establesyo en la sivdad de Kanada de Trois-Rivières -Three Rivers ke se topa en la provensya de Quebec. El ijo de una famiya de merkaderes, no paso muncho tyempo antes de ke Hart reusho i izo un nombre komo un grande negosyante i tyerratenyente. Despues ke la povlasyon djudia en el Basho Kanada se empeso a engrandeser, Hart se izo aktivo en la komunidad i fue myembro fundador de la sinagoga Shearith Israel de Montreal. Hart fue igualmente muy orozo en su vida de famiya. Despues de su muerte a los 76 anyos, fue sovrebivido por su espoza, Catherine, kuatro ijos i kuatro ijas.

Tres de sus ijos tambyen fueron figuras istorikas fasinantes i emportantes en la istorya de los djudios de Kanada.

Moses Hart era un ombre de negosyos reushido ma de otre parte sus aspirasyones politikos syempre se eskaparon en dezastros. Aunke su djudaismo puede ser la razon grande de su inkapachidad, su fayito en la politika, tambyen puede ser el resultado de su vida personal: su espoza lo abandono achakes de su infidelidad. De otra parte, Hart teniya una pasyon eksesiva por los barkos i vapores i tratados filozofikos publikos sovre el djudaismo i el deismo.

Ezekiel Hart, otro ermano de Moses, tuvo muncha reushita en la politika. Fue elejido para el Parlamento de Basho Kanada en 1807, ma, despues de prestar djuramiento sovre la Biblia ebrea, fue ovligado a retirarse (akel tyempo deviyan de djurar sovre el Muevo Testamento). Kuando fue elejido por segunda (i afilu tresera) vez, i malgrado ke meldo el djuramiento tradisyonal sovre el Muevo Testamento, la ofisina del parlamento lo ekspulso.

El treser de los ermanos Hart, Benjamin Hart sufriyo una diskriminasyon semejante. El komandante de la milisya lokal penso ke los Kristiyanos no podian i no keriyan sirvir kon un djudio i mas i mas debasho la direksyon de un djudio. Malgrado estas diskrimasyones, durante la Gerra de 1812, Benjamin sirvyo en primero komo soldado i despues de un syerto tyempo se adelanto al rango de kolonel, una misyon del kual fue despozado kuando afirmo el Manifesto de Aneksyon yamando a la unyon politika kon los Estados Unidos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR