18 Eylül 2021 Cumartesi 00:54
izmir marriot
izmir marriot

Lo ke aze pensar una fotografiya

Silvyo OVADYA Judeo-Espanyol 2213 görüntüleme
13 Mayıs 2020 Çarşamba

Un mez antes en una vendida de efimera (kartas, letras, fermanes, bilyetos i todo modo de papeles antiguos) merki una fotografiya. Una fotografiya de 74 anyos. Esta foto fue travada en Balat. Es la foto de 10 ijikas ke estudyan en la Eskola Djudiya. En esta fotografia vemos las 10 ijas en fostanes de kazalinas ke van a ser en la shena, diya de alhad. I la ke posedava esta fotografiya eskrivyo munchas kozas debasho de la karta. No esta eskrito el kuarter ande fue travada la fotografiya ma es Foto Ece de Balat ke la travo. Entendemos ke es en Balat. En una pyesa de teatro o en una demonstrasyon van a baylar kon vistidos de kazalinas. Ken se topa en esta fotografiya? Es imposivle de saver para mi. Ma si el Şalom acheta de publikar esta fotografiya vamos a demandar a muestros lektores si konosen a alguna en esta fotografiya o si saven syertas kozas sovre este evenimyento?

  Avli kon los diridjentes del Şalom para meter kada semana una fotografia i asperar eksplikasyones de los meldadores del Şalom. Vamos a ver si van achetar. De vez en kuando estamos resivyendo al Muzeo Djudio fotografiyas kon validjas. Ma no reushi dainda de dizir ke fotografias sin eksplikasyones no tyenen dingun valor. Si empesamos kon una fotografiya a la semana no es nada! Es solo 50 fotografiyas en un anyo. Kon pasensya va ser 500 fotos en 10 anyos. Si es reelmente un evenimyento ke puedemos obtener munchas eksplikasyones; en una oja del semanaryo puedemos publikar mizmo 20 fotografiyas al mez. Para esto los ke lavoran en el Museo deven de lavorar para eskojer syertas fotografiyas kon un poko de eksplikasyones. Porke una fotografiya sin eksplikasyones tyene de menester de un mirakolo para ser aklarada.

  En la mizma vendida aviya las notas muzikales de dos kantikas del famoso kompositor Udi Mısırlı İbrahim (Levi) Abut. Kompositor muy famoso en la muzika klasika turka. Tyene dainda syertos paryentes en Estanbol. Entre los kompositores Djudios en la musika klasika turka el es el mas famozo i el mas popular. Anyos antes kuando organizimos un konserto sovre los kompozitores Djudios en la muzika klasika turka aviya munchas kantikas de Mısırlı İbrahim (Abraham) Efendi. No se si son dokumentos muy emportantes? Ma son emportantes para muestro muzeo. Porke esto es la prova de la kontribusyon de los Djudios a la vida artistika i kulturala de la Turkiya / en el  payis ke ya biven.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR